Ka sorkar pyrdi da rai ko wow pyndam noh ya ki dan Custom Duty ya ki mar Petrochemical Products wa wanrah chapoh India yow lait u chah ktah ki paidbah nei ku dor ki mar ki mata neidaw wa dang pteiñ ka thma ha West Asia.
I pyndam ya kani ka Custom Duty u pteiñ ko hadooh ka 30 tarik u June uni u snem wei ki mar wow lait dan kynthup nadooh ki mar Plastic, ki tiar yusong, ki that ki nep, ki Chemical, ki tiar kari wa kiwi de kiwa da em waroh 40 tylli.
Neiliang ka sorkar pyrdi da ong ko wa deiwa leh kamni daw pynsuk ko ya kiwa boon ki karkhana wa pynmih tiar yow duna i lut i sep ki yow lait ki leh wow pynku dor ya ki mar yow lait u chah ktah kylla ki paidbah.
I em ka thma ha ka thaaiñ West Asia da ktah bha ko yei lai i wan ki jhaad kiwa kit ya ki mar kam i phniang wa ki Gas heiwa i dor i Crude Oil leh da chongdor i hadooh $110 chi Barrel tangwa ha India ym pu em pynku dur yei Petrol wei Diesel kamwa da leh cha kiwi ki ri.
I duna phniang leh ym pu em mih i deiwa em ki jhaad wa yoh u mih na Strait of Hormuz kiwa lai cha India.
Discussion about this post