theme-sticky-logo-alt
theme-logo-alt
Advertisement ad1

Pyndam ka sorkar yaka hukum wow chim noh ya ki Industrial Area

Advertisement ad1
Advertisement ad1

Jowai: Hadien wa mih boon i pyrchah na ki seiñbhalang wa kiwa mihkhmat paidbah yaka hukum ka sorkar jylla lyngba ka Directorate of Commerce and Industries wow pyndooh noh ya ki District Council wow pait yaki Industrial Area, ka sorkar da rai ko wow pyndam noh ya kani ka hukum.

Neiliang ka KSU da ong ko wa ym e laad lada em biang i thmu ka sorkar wow pynmih biang ya kam kani ka hukum kawa da yooh beiñ ya ka hok ka jaitbru wa da e lyngba ka Sixth Schedule.

Advertisement ad1

Ka seiñ da khut ko leh ya waroh ki sahep sorkar kiwa man kam ki Khasi kiwa chakri ha ki chnat sorkar waphær waphær wow booh chwa yaka mynried ka jaitbru hakhmat dooh kam chibynta wow pynyoh yaka myntoi ki pateiñ kiwa bood.

Ka HYC won da ong ko wa kani ka Notification man ko kawa bakla wei ka wymye u pdiang neibhah ha ka Paragraph 20 yong ka Sixth Schedule da batai ko ya kitæ ki Tribal Area wei ha ka Ri-loom Ynñiawtrep hi waroh lait noh ka Normal Shillong (3 tylli ki Ward kam ka Kyndelad, Jail Road wa ka European Ward) wa ki Cantonment Area toh ki Tribal Area. Tang neidaw wa ka sorkar haap thied næ chim ko ya kini ki thaw ym mut wa ym man de ki ki Tribal Area.

Also Read: Pyrchah u Andrew Shullai yei chim noh ka sorkar ya ki Industrial Estate

Share this:
Previous

Chi tayaw e por ya ki MP warim wow mih ki na ki thaw sah wa da pynbiang ka sorkar

Next

Da i yarap ki soo ngut kiwa ngam um na Khatar Shnong da ye u sai ya ki ar ngut kiwa rah ka um