Pyndam ka Supreme Court yei yoh jamin ka Sonam Raghuvanshi | E por ya ka le tayaaw u wan pyndem

Ka Supreme Court ka ri India da pyndam wei da booh noh ko charood ya ka hukum wow e jamin ya ka Sonam Raghuvanshi, kawa man kawi na kiwa hakhmat dooh wa chah pynbaad hei chah pynyap u kurim ko, u Raja Raghuvanshi heipor wa em ki ha Meghalaya.

Ka Supreme Court da ong ko wa ka High Court deilang ka Trial Court da bakla ki wow e jamin du neidaw wym em khana deiwa che heipor wa kem ya ka. Ka miej bichaar u Justice MM Sundresh wa u Justice PB Varale, da e por ki le tayaaw ya ka Sonam wow wan pyndem ko wei lada i bichaar ya ka mukotduma ko ym ye u pyndep hapoh 6 bnai, daw em hok ko wow yaleh jamin da kawa thymme.

Hawa pdiang yeiwa kyrpaad ka sorkar Meghalaya, ka yung bichaar da ong ko wa i daw wa kem ya ki bru toh hap wow khana deiwa che hapoh ka Article 22(1), tangwa waroh iwa jia ha ini i kaam ymtoh iwa bakla lut neibhah ym em leh bakla wow khana yei daw wa kem.

Related posts

Yap uwi hadien wa tyrrah ka Truck ya kawi won hadooh wa kylla ha u NH6

October 12, 2026

Deiwa bood ki luti ki warim lai kjat ka Tuber Kmai Chnong cha Iawmusiang | Da thied leh ki mar yow pynku ya ka yaaw

October 12, 2026

Ka Supreme Court da ong ko leh wa ka Sonam tip hi ko yei daw wa chah kem ko wei yeini leh da pyntikna ko hakhmat u Magistrate.

Da pynche leh wa lada hei kem wa nyngkong em i bakla, ini ym em mut i wym chah de wow lai kem ya u bru deiwi tawon.