Hadien wa kiwa yah Truck da pynman yakhih ki ha kiwa boon ki jylla ka ri yow pyrchah yei wanrah ka sorkar yaka Section 106 (2) ka Indian Penal Code kawa da pynkylla pyrtuid ka sorkar pyrdi katni kam ka Bharatiya Nyay Sanhita heiwa ha kani ka kyndon wa thymme da ong wa kiwa yah kari kiwa tyrrah bru wei yut ki na i thaw jia wei ym yarap kamjooh ym pyntip ki cha ki pulit daw chah kset ki 10 snem wei ye ki leh u ngat ka kuna kawa Rs. 7 lak.
Kani ka yakhih wa sdang nadooh ka 1 tarik uni u bnai da pynkulmar ko wot hadooh ki paidbah kiwa tieñ ym yoh phñiang kari wei da em ki chnong wa tang i dud leh ym poi de neidaw wa da pynsangeh kiwa yah Truck yei lai i wan ki kari deiwa pynyieñ da ki kari hapyrdi sarok.
Kamtæ neiliang ka Ministry of Home Affairs ka sorkar pyrdi da pyntip ko wa kani ka kyndon thymme ym pu em pynkrehkaam ka wei da khut ki leh ya kiwa mihkhmat ka All India Motor Transport Congress (AIMTC) yow yaklam yeini ynnin ka sngi.
Chooh chooh ka sorkar du kular ko wym pu pynkrehkaam ya kani ka aiñ kat wym dep u yaklam wa kani ka seiñ kiwa yah kari, wei hajrong ini da kyntu ya ki wow pteiñ biang ki yei kaam yong ki.
Hadien ini i kular ka sorkar, neiliang ka AIMTC da rai ko wow dam chwa yaka yakhih.
Discussion about this post