Ki ar seiñ kitæ ka MPUF- EJHD wa ka JYF- EJHD da thoh ki cha u DC ka East Jaiñtia Hills ynnin ka sngi hajrong i sahkut ki kari yow e yumut yow pyndooh ya ini khnang wa ki paidbah ym chem chitom ki na i sahkut kari.
Da ong wa ka hukum ka High Court toh yow khang du ya ki kari wa khia palat 20MT wow lai lyngba ka yingkieñ ha Umiam kamtæ toh u e laad ya ki kari kiwa kit hapoh ini i khia wow lai ki yow lait na i sahkut kari.
Da ong leh wa hapoh ka East Jaiñtia ym em i khang ya ki kari wow lai wei kani ka hukum toh du ya ki kari kiwa ku cha Shillong lane cha Shillong Bypass kiwa kit palat 20MT ki wym chah wow lai ki.
Kamtæ ki ar seiñ da ong ki wa i thooh bniah yong ki wa i sahkut ki kari ha kini ki ar-le sngi toh neidaw wa booh ya ka No Entry ya ki kari kiwa lai cha ki thaaiñ Khliehriat, Lumshnong, Sonapur wa kamtæ ter ter, kamtæ da kyrpaad na u DC wow pyndam noh ya ka No Entry neibynta ki kari kiwa wan na ki thaaiñ Shillong wow lai ki cha ki thaaiñ East Jaiñtia khnang yow pyndooh yei sahkut kari.
Da ong leh wa ini daw pynsuk ko ya kitu kiwa lai emkaam cha Ladrymbai lane Khliehriat kiwa da sahkut manda liwan ki.
