Shillong: U General Secretary warim ka HNLC da ther joor u ya ka sorkar warim wa yah luti da ka Indian National Congress (INC) wei da pynbaad u leh wa i mih ki kulmar ha ka ri India khamtam ha kani ka jylla toh neidaw ka Congress.
“Nadooh wa sdang ka kulmar ha ka ri yong i toh neidaw ka Congress, ka INC toh u bahkhlieh ko neibhah toh ka kawa wan rah ya kini ki eh i khoo waroh, i wym man kaam ka yaklam wa ka montri warim ka tnat kaam pohyung ka jylla Meghalaya, ka Roshan Warjri wei man ko kawi wow pynsakhiat ya ini,” da ong u.
Da pynbaad u leh wa ka sorkar Congress ym ye ko u leh iyi iyi leh hadooh wa neiliang yong oo da dep u wow yaklam lyngba ka phone wa ka Roshan Warjri ha ko por wa ksoh ko kam ka montri kaam pohyung kawa da pynlait paaidbah leh cha ki laad pathai khubor kawa ym poi cheiwon cheiwon leh.
Hawa jubab chooh chooh wa hadien wa yakhun wa ka bor sorkar la 31 snem kattu kawa da dooh leh yei mysien kiwa lui lui, neiliang ka sorkar kamjoooh ka seiñ hadooh ki paidbah, u Cherishsterfield da ong u, “Nga ym em sihlet O ya ki kaam wa da dep neibhah ki kaam wa da leh O kiwa da dep man ki kiwa nachwa wei katni da mih O naka seiñ.”
Hawa yatoh wa ki kyndon ka kaam saiñ pyrthai hadien wa wan pyndem u, neiliang u Cherishterfield da ong u wa kam u bru uwa kreh neibynta ki paidbah u pteiñ u wow chakri ya ki paidbah wei ym em mut ko wow psiah u cha ka kaam saiñ pyrthai.
Discussion about this post