Nongstoin: I thombor ki pulit Assam ha ki thaw khappood katwa dang wan ki sngi dang pteiñ i khamtam ha ka chnong Umwali kawa man kawi na ki chnong kawa ha ki thaaiñ Langpih kawa da maad boonsien yeini i chah thombor, ynnin ka sngi ka 19 tarik leh ki pulit Assam da wan biang ki wow pynyien ktem ha Umwali iwa da pynmih yei awri hapoh ka chnong.
Katkam wa ong kiwa chong chnong, da ong ki wa chwa ini i thombor u jia i, neiliang yong ki da yoh yutip chwa ki yei wow jia wei da yang chwa ki heiwa da mih i pyneh pynkhor na waroh arliang ki pulit Assam kiwa em da ki spah ngut wa ki pulit ka Meghalaya kiwa em du kamwa 13 ngut heiwa da pyneh bait ya ki Assam.
Uwi na ki waheh da ong u wa ki pulit ka Assam da yania ki deiwa ong wa chna bait ki ya ka yung katwa ki pulit Meghalaya leh da ong ki wa la man katwa man ym chah ki yeini.
Neiliang u heh pulit ka Meghalaya wa kynthup ya u SDPO da tyrwa ki wow yakhun mar kylliang wei heitæ u heh pulit ka Assam da pyndem tdong noh u wei da poi noh i yasuk.
Hadien ini ki pulit Assam da yut noh ki na kani ka thaw.
Discussion about this post