Shillong: U President ka HYC, u Robertjune Kharjahrin da ong u wa ka sorkar jylla toh u chimkhia noh wow pynbait noh ya u pood u ang neibhah ini da man i kam i kjut wa wanrah yei wym chngaaiñ iwa da pynthut leh yei roi i paar wei dooh ya i khyndaw.
Ki paidbah ka Umwali, Langpih kiwa da tip chwa yei thmu ki pulit ka Assam wow kyntoor pood wow chna ya ka Outpost, ynnin i miet da pynman noh ya i yang miet wow khang laad ya ini i thmu ki pulit ka Assam.
Ha ini i yang miet da emlang ki waheh na ka chnong kamjooh leh ki dkhot ka HYC Rimuliang wa ki pulit ka Meghalaya.
Da ong u wa ini i leh ki pulit na Assam pynyoo i yei wym burom ko ya ka Status Quo hapyrdi kini ki ar jylla wow pyntip kylliang lada emkaam wow wanrah ya ki kaam pynroi ha ki thaw khappood khamtam ha ki thaw wa kajia.
U Robert da ong u leh wa i leh ki pulit Assam ynnin ka sngi da pynche i yei lehbor heiwa da thmu wow chim ya ka thaw rep ki paidbah.
Discussion about this post