Pyndem u Teibor hei mon ki paidbah, pynbna u wow yakhun MDC kam u kyrtong samen

U MDC ka Mawlai Constituency, u Teiborlang Pathaw da pynbna u wow e reiñ biang ha ka Election MDC kam u kyrtong samen.

Ini i rai u Teibor da mih ko ha ka yalang wa da khut da ka Mawlai Social Service Organisation (MSSO), heiwa ka sur yong ki paidbah da thai ko haw wa toh u mih yaleh MDC u kam u kyrtong samen.

Kam wow pynkynmoo wa u Teibor da jop u ya ka Election MDC na Mawlai ha u snem 2019 kam u kyrtong samen, wei chwa ka Election MLA 2023 da lai psiah u cha ka NPP heiwa ki paidbah ym sñiawsuk ki yeini wei da rem u leh ha ka Election MLA.

Hawa pynbna yeini i rai wa khaddooh hadien wa da ap yei sur kiwa boon walang, u Teibor da ong u wa pyndem hakhmat i sur ki paidbah wow yakhun Election kamwa kwah ki paidbah.