Uwi u warep na West Jaiñtia Hills District uwa pyrtuid Yowluti Ymbon na ka chnong Mukhap, Laskein Block da yoh u wow pdiang ya ka khusnaam wa tip kam ka “Innovative Farmer Award 2025” ha ka Regional Agriculture Fair wa da pynman da ka Assam Agricultural University ha Jorhat ynne ka sngi.
Ya kani ka khusnaam da e da u Atul Bora, Montri ki kaam rep kaam riang wa ki kaam ri mrad yong ka jylla Assam deiwa emlang u Kamakhya Prasad Tasa, MP na Kaziranga Constituency, Assam wa u Dr. Bidyut C Deka, Vice Chancellor yong ka Assam Agricultural University.
U Yowluti toh u warep wa da embynta wow ya krehlang wa ka Krishi Vigyan Kendra, Jaiñtia Hills ha ki kaam wa yatoh wa ki kaam rep wa boon jait wei rap kongsan dooh toh hei wow ri mrad.
I chah jied wei tyrwa pyrtuid (Nominate) ya u Yowluti lai ko lyngba ka yung krehkaam ka Krishi Vigyan Kendra, Jaiñtia Hills wei ha kani ka sngi da synraan lang ya oo da u Subject Matter Specialist (AH&Vety), u Dr. Rimiki Suchiang, u Senior Research Fellow, u F. Sutnga wa u K. Passah na KVK Jaiñtia Hills.
Discussion about this post