15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Pyndep ka Raij Ialong ya ka Behdieñkhlam 2021 deiwa bood ryntih ya ki kyndon

Advertisement ad1
Advertisement ad1
Advertisement ad1

Ynne ka sngi ki khon Niamtre ka Raij Ialong da pyndep ki ya ka lehniam Behdieñkhlam ha Madan Aitnar heiwa u Dolloi ka Elaka Jowai, u Puramon Kynjing da man u kam u kongsan hei emlang kiwi ki heh niam yong ki Seiñraij waphær waphær. 

Ya ki lehniam wa boon bynta yong kani ka Behdieñkhlam da sdang ha ka 4 tarik uni u bnai heiwa da pyndep ya ki sarin ka lehniam katkam wa da pynchong pynthiah da ki warim wajah nadooh i ngooh i dem, ki kñia wa kiwi kiwi. 

Advertisement ad1
Advertisement ad1

Ha kani ka sngi waroh ki rong wa da wanrah ha Aitnar da em ki 10 tylli kiwa kynthup na ki dong ka chnong Ialong, Wahiajer wa Nongkhyllep wei ha ki rong da thoh ya ki kyntien wow bood hei wow yakhun ya ka khlam COVID-19 khamtam i myntoi wa i pynchlur wow chim ya i tika yada na uni u khñiang. 

Kam u kongsan, u Dolloi ka Elaka da ong u wa ya ka lehniam Behdieñkhlam da pyndep katkam ka yurim khamtam hapoh ka Elaka Jowai heiwa da pynchon pynthiah ya ka Dustur Riti wow tayar hei rukom im kam ki bru neibynta i Synchaar Raij Synchaar Chnong yow em ka niam ka wow pyndep yonglang yongbi da ki Langdoh, ki Sangot, ki Maji, wa kiwi kiwi wow engooh ya ki Blai yow yoh ya i da i kær wa i kyrkhu na ki. 

Neiliang u Pyrkhat Shylla uwa man kam President ka Seiñraij Ialong da ong u wa ya kani ka Behdieñkhlam ha u snem 2020 wa ha uni u snem 20121 da yaleh wow pynduna ya kiwa chimbynta wei da yaleh wow bood ryntih ya ki kyndon wa da booh da ka sorkar. 

Share this:
Previous

Da ka 75th Independence Day Week Celebration pynman Ka MBS&G, West Jaiñtia Hills

Next

Da i naam Crystal Gayle Award-2021 yoh u khynroo na Jowai