theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pyndep ka Raij Jowai ya ka lehniam Thoh Langdoh

Ki chakri niam ka Raij Jowai hei yahkhmat u Dolloi kam u khlieh ka niam khlieh ka Elaka ynne ka sngi Hat 19 Wisu da pyndep ki ya ka lehniam Thoh Langdoh ha ka Duwan Knia wa em ha Khloo Langdoh.

Ha ka yurim i ngait wei sikai niam wa da yoh pateiñ na ki manchwa longchwa katkam ka hukum adong niam. Ha kani ka sngi ki khon ka niamtre ha Raij Jowai yait ki nei leh ya kiwon kiwon ki kaam kiwa pyntakha yei doh i pran ka Bei Rymaw wei deiwi i kyntien datip ya kani ka sngi kam ka sngi Sang Sngi.

Advertisement ad1
Advertisement ad1
Advertisement ad1

U Dolloi Puramon Kynjin hawa khana batai chaphang kani ka sngi, ong u i em ki khloo blai khloo kyntang man i i kyrkhu wakhroo heiwa ka pateiñ wa katni yoh ko u yoo u sakhi ya kitæ ki dieñ heh dieñ khroo kiwa yieñ wow pynchoh pynyoosuk yei man ka chnong ka raij wei pynmih ki leh ya ka la-ær, ka um wa khooid wa jngiar kiwa man i kyrkhu wa khroo ya ki talawiar wa em hapoh ka chnong ka raij. Ong u leh i tip u kheiñkor makhane yei kyrkhu ka Bei Rymaw na ki por cha ki por toh iwa emkaam wei kyrpang chooh chooh leh ha kani ka sngi Thoh Langdoh næ sngi Sang Sngi, ka sngi kawa da adong wym hoi u daiñ, u pooh, u tympiah tympra, pyntakha tadaiñ yei doh i pran ka Bei Rymaw.

Chooh chooh da pynkyrpang ya kani ka sngi da ka Dorbar ki Kñi hei pynlai u Pator Raymond Nartiang heiwa ka thong yong ka toh wow yaklam ya tuklar, ya phyllu buit phyllu budia yei miat i bha ka niam ka rukom nadooh na yung na sem hadooh ha ka raij ka chnong.

U Dolloi hei pynkut e u ka wyrta chula i sñiawngooh ya waroh wachat nadooh ki chakri niam, ki kñi, ki waheh wasian ka raij kiwa da embyntalang hei pynlaibait lai ryntih ya kani ka sngi wakhroo wei kyrmen yooluti u leh kamwa miat wabha i kñia i khriam, ka chnong ka raij u yoh ko yei pyrthai mynder wamiat wabha heiwa ki khon ka raij waroh u yoh ki u embhah embyntalang wow pyndep ya ka Chaad Ñiam Behdieñkhlam ha uni u snem dei wa hun wasuk waphooh waphieñ.     

Advertisement ad1
Share this:
Previous

Chah khang ka karkhana Coke wa em ha Umtyra

Next

Yada ka India yei rai thied phñiang wa duna dor na Russia