theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Yada ka India yei rai thied phñiang wa duna dor na Russia

Advertisement ad1

Ka India da yada ko yei rai yong ka wow thied yei phñiang (Crude Oil) wa da dai toh dor da ka ri Russia deiwa ban joor wa ini wa leh ym toh iwa man pyrchah ya iwon iwon wei ym toh wow pynkylla Politics yeini i kaam.

Katkam ka khubor wa da mih, da antaad wa ka Hindustan Petroleum Corp Ltd (kawa man ka karkhana ka sorkar) da thied ko 2 Million Barrel i Crude Oil na Russia. Wei hachwa ini ka Indian Oil Corp da thied ko 3 Million Barrel ini i phñiang na Russia.

Ka Russia da tyrwa ko yei phñiang yong ka deiwa pynduna dor 20% na iwa da dai ha ki yaw katni.

Ini i leh ka India da pynman ya ka White House Press Secretary, ka Jen Psaki wow ong wa ka US da pyntip ko cha waroh ki ri wow pyrkhat ki heiwon yieñ ki katni neibhah daw kynmoo ya ki mynried mankawi iyi leh ki ha kam ini i por deiwa pynrap wa i leh ka India ym em tyngkheiñ ko ya kiwon kiwon ki kyndon wa da khang yei ya krehlang waka Russia wa da booh da ka USA.

Hei sñiaw yong ka India da ong ko wa kitu ki ri wa ye u im dei phñiang yong ki hi ym ye ki wow khang ya kiwi ki ri wa hap u chalan phñiang na kiwi ki ri kamjooh kitu ki ri wa chim phñiang na Russia.

Deiwa pteiñ ka thma Russia-Ukraine, ka New Delhi da pyrchang ko wow thooh laad kammon wow lait nei chah ktah deiwa thied ya ini i phñiang.

Kamwa man kattæ i dor i phñiang da syad bha i wei ye i wow poi hadooh $200 chi Barrel lada ki ri dam ki wow chim yei phñiang wa pynmih ka Russia.

I dam wow chim yei phñiang na Russia da ktah ko yei em phñiang hapoh pyrthai neibhah wym em da kiwi wa mih yow pyndap yeiwa duna. Ka India toh kawa wanrah 85% i phñiang na baar ri iwa mut wa emkaam ko 4.7 Million Barrel chi sngi. Lada i dor i phñiang neh i kamwa man kattæ iwa $100 chi Barrel chislem i por daw pynjoor ko yei lut phut neibhah wa hap pynlut chiboon ka poisa Foreign Reserve ka ri kawa pynemkaam yoh thied maar na baar ri kawa da hiar da $9.646 Billion yow em $ 622.275 Billion hadooh ka 11 tarik uni u bnai iwa boon dooh i hiar chisien hiar la ar snem katkam katkam wa pyntip ka RBI kawa da hap wow dai ya ki Dollar yow lait u hiar dor ka Rupee.

Kamtæ ka India da pynbor wow thied yeini i phñiang hanla ka US ye ko wow booh kyndon heiyatoh waka khayi pateiñ waka India wa thied ko yeini i phñiang Russia.

Share this:
Previous

Pyndep ka Raij Jowai ya ka lehniam Thoh Langdoh

Next

Da toh pynhaap ya kawi ka snieh-poisa kynthai ha ki bynta ka Iawmusiang-Yaw Chyiap