Ka Raij Tuber ynne ka sngi da pynman ko yaka Chaad Sukra 2024 kamwa jooh leh khlieh u snem chwa wow hiar rep hiar riang cha ki pynthor hali kam ka dak wow e ngooh e dem yaka bei ramaw kawa psa baam ya ki bru pyrthai, heijooh i por leh yow manbha i rep i riang ha uni u snem.
Yaka chaad sukra da pynman ha Khloo Blai Raij Tuber wei chwa wow sdang da pynhær yaka lama da uwa e buit ka Raij Tuber, u Helping Phawa wa u Dolloi ka Elaka Jowai u Puramon Kynjin.
U kongsan yong kani ka sngi toh u Kor Sympli hei emlang u President ka Raij Tuber, u Harvis Phawa, u General Secretary, u Jolbi Sana, u Chairman ka Arts and Culture, u Khroo Ksoo, u Secretary ka Arts and Culture u Jointly Dkhar, u Waheh Chnong ka Tuber Kmaichnong, u Micky Lyngdoh wa kiwi kiwi de.
Ka chaad sukra da man ko kawa chongchit dei chimbynta ki khon kynthai chynrang ka Raij Tuber wa na ki chnong waphær waphær.
Discussion about this post