Ka Seiñraij Jowai ynne i step da pyndep ko ya Ka Suit ka Choor, ka Ngooh ka Dem ha Madan Iaw Iongpiah, neibynta wow paan wow doon na ka Nong E Hukum wow man ka sngi Chaad Sukra wa chit wa rkhiang wei kawa lai bait lai ryntih.
Ha kani ka step da emlang kiwa kitkaam niam nadooh u Dolloi, u Puramon Kynjing, u Pator, u Raymond Nartiang, kiwa kitkaam ka Seiñraij Jowai nadooh u President u O.H. Toi wa kiwi chirup wa ki manbei.
U Puramon Kynjing da ong u wa da pynman ya kani ka suit ka choor iwa chi tayaaw wow pynman yaka Chaad Sukra kawa lai bait heiwa daw kmen rasa kiwa boon wa lang.
Da ong u leh wa i daw wa pyndep ya kani ka ngooh ka dem toh wow yoh ki khon ka Raij Jowai ya i chait i khiah, wow man i bneiñ iwa rang wa chit. Chooh chooh da kyrpaad u leh ya waroh ki paaid wow man kiwa skem hei thij i pyrkhat wei wow man kiwa khreh wow tayaar neibynta ka Chaad Sukra.
Discussion about this post