Pyndooh ka KHADC ya u Patrick na ka khet Syiem Hima Nongspung, thung Acting Syiem ya u Kyntiewborlang Syiemlieh

Shillong: Ka Khasi Hills Autonomous District Council (KHADC) ha ka 26 tarik uni u bnai da knieh noh ko ya ka khet u Syiem Hima Nongspung u Patrick Syiemiong hadien wa ka Council da dep ko wow bichaar ya ki chah pynbaad yong u Syiem khamtam hawa yatoh wa i rukom pynlai Hima wei kamjooh hawa ym ye u wow pyntip ya ka kaam poisa poilaiñ yong ka Hima.

Ha kani ka jooh hi ka sngi neiliang ka KHADC lyngba u Deputy CEM wa pait leh yaka chnat Elaka, u Pyniaid Sing Syiem da thung noh u ya u Kyntiewborlang Syiemlieh kam u Acting Syiem ka Hima Nongspung. Ka KHADC da thung ko ya uni u Syiem wa chipor ka Hima Nongspung deilang wa ki kyndon wa ym toh u lai lait u na kiwon kiwon ki rukom krehkaam wa da pynkit ha oo.

Katkam wa pynbna ka KHADC da ong, “Da pyndam kreh chipor (Suspend) ya i krehkaam yong u Patrick Syiemiong kam u Syiem ka Hima Nongspung. Kamtæ katkam ka kyndon wa 11 yong ka United Khasi-Jaintia Hills Autonomous District (Appointment and Succession of Chiefs and Headmen) Act 1959, ka Executive Committee da sñiawhun ko wow thung ya u Kyntiewborlang Syiemlieh kam u Acting Chief yong ka Hima Nongspung wow pynlai yaka synchaar khadar ha ka Hima.”

“Ka Hima Nongspung toh ka Hima kawa yaar wa heh, ka thong wa ha khmat dooh wa ngan u leh O toh wow seiñdur biang ya ka Hima yow wanrah biang ya ka burom wa ka naam yong ka hima,” da ong u Acting Syiem hawa yaklam wa kiwa thoh khubor.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Hajrong ka kynrum kynram wa da mih na iwa jia ha Balakhowa, Ri-Bhoi District khamtam hawa yatoh wa i e No Objection Certificate (NOC) cha ka Assam neibynta wow chna ya ka sarok PMGSY ha New Balakhowa, neiliang u Pa’iem Kyntiewborlang da ong u, “Nga daw chong pyrkhat O ya kani ka kaam waka Executive Committee wa thymme, u leh i ya kawa bha tam neibynta i myntoi ka Hima. Daw bichaar i leh ya ki kot ki sla wa ha kawon ka rukom wa ka yurim da e NOC. Hadien wa i yoh lut ya ki kot ki sla, lada chah ko ya i daw pyndam noh ya ka NOC.”

Hawa kylli lada daw pynneh ya u Michael Warjri kam u Secretary ka Hima hadien wa chah pynbaad u haki dkhot ka Committee wa leh embor u, neiliang u Pa’iem da ong u wa ya kani ka kaam daw bichaar lang da ki Executive Member.