Pynduna ka sorkar pyrdi yei yarap ya ki skur SSA, hap pyndap ka sorkar jylla 35%

U Montri ka chnat Puræ Puthi ka jylla, u Rakkam A Sangma da ong u wa ka sorkar jylla da nang khia ka yukit ko neibynta ki skur SSA neibhah wa ka sorkar pyrdi da nang pynduna ko yei yarap.

Da ong u wa hanla ki dawa yong kiwa sikai SSA wa kiwa kreh man ki kiwa chongnia tangwa ka sorkar jylla da hap ko wow thooh laad hadien wa ka sorkar pyrdi da pynhiar ko yei yarap ya ka sorkar jylla.

Da pyntip u wa nachwa ka sorkar pyrdi yarap ko da 90:10 tangwa ha uni u snem ka sorkar pyrdi da pynhiar ko cha ka 70:30 wei ha u snem wow wan daw hiar chooh chooh da 65:35, iwa mut wa ka sorkar pyrdi daw e poisa ko 65% katwa ka sorkar jylla daw hap sai ko da 35%.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Katkam wa ong u Rakkam, ini da ban khia bha ko ya ka jylla kawa duna i mih wow sai na kata yong ka hi, tangwa ka sorkar daw thooh laad thooh luti ko hajrong ini.

Da ong u waka sorkar daw puræ bniah ko leh ya ki skur kiwa duna khynnah wei boon kiwa sikai.