Pynemkaam kiwa chim kabu dei pyrtuid ka DGP yow yoh poisa

Ki bru wa chim kabu kat dang lai ki sngi dang thooh ki ki laad ki luti wow thok u chukor ya ki paidbah wei ym tieñ de hadooh wow pynemkaam dei pyrtuid ka heh dooh ki pulit ha Meghalaya, ka Idashisha Nongrang kawa man kam Director General of Police.

Yeini da leh deiwa phah da ki email kiwa da chna hei pyrtuid ka DGP yow pynbiej wei pyntieñ ya ki bru yow phah su poisa yabor ki.

Ha ka email wa phah cha ki bru, da kam wa phah da ka Idashisha Nongrang, DGP heiwa da phah wan hajir ko ya uwa yoh ya ka email neidaw wa pait u ya ki Pornographic Website wei da pynyoo u leh ya kini ki dur ki bru wa dui dooh cha ki khynnah iwa man pyrchah ya ka aiñ.

Kamtæ da phah hajir ki wow wan ki hakhmat u Judge ka High Court wei emkaam ki wow jubab ya kani ka email.

Related posts

Yoh kem ki pulit ya uwa dai Drugs ha Soo Kilo

January 9, 2026

Yoh kem ka DRI 29 Kg i ksiar wa ka poisa wa Rs. 2.90 klur na Delhi wa Agartala | Emkti kiwa na Bangladesh wa na Dubai

January 7, 2026

Iwa jooh jia hadien wa jubab ki bru, daw phah wow su ki kut jait nadooh ki kuna wa kiwi kiwi de yow lait ki nei chah pynchitom.

Kamtæ neiliang ki pulit da kyntu ki ya ki paidbah wym toh u chah pynbiej ki wei wow lai pyntip cha ki pulit lada yoh ki kam kini ki email wei ye leh wow Phone ha u 112.