Ka Indian Space Research Organisation (ISRO) ynne i step da ye ko wow pynhær ya u Satellite Cartosat-3 ha u namdiñ (Rocket) PSLV-C47 wow sorjamin ya ka pyrthai deiwa paka wei da ini ka ISRO da pynhær ko la 8 tylli ki Cartosat Satellite nadooh 2005.
Chirup wa u Cartosat, u PSLV da kit u leh ya 13 tylli ki Nanosatellite na ka ri US wei da ini ka ISRO da pynhær ko 310 ki Satellite yong kiwi ki ri.
U PSLV-C47 da hær u na u Launch Pad wa em ha Satish Dhawan Space Centre, Sriharikota heipor 9:28 i step.
Da chimpor ya u PSLV-C47 du kamwa 17 minit wow booh ya u Satellite Cartosat-3 ha haw-haw katwa kiwi won ki ki Nanosatellite hadien 10 minit.
U Chairman ka ISRO, u K Sivan da ong u wa da ye wow pynhær ya u Cartosat-3 wa 13 tylli ki Nanosatellite ka ri USA ha haw-haw thij kamwa da kwah weiwa u Cartosat-3 toh uwi na ki Satellite wa bha tam wa chna da ka ISRO wow sorjamin ya ka pyrthai.
U Cartosat-3 daw syuiñ u ya ka pyrthai 509 km najrong (ha haw-haw).
Da antaad wa u Cartosat-3 daw ye u wow chondur hadooh ya i thaw wa heh 30 Centimetre wei ki Camera ha uni u Satellite daw ye bha ki wow chondur ya ki thaw khnang wow pynsuk ya kiwa krehkaam pynroi sor wot hadooh wow ñiaw ya ki bru wa lai wa wan.
Discussion about this post