15 49.0138 8.38624 1 0 4000 1 https://wyrta.com 300 0

Pynhær lama ka ri u Conrad haka Republic Day ha Shillong

0 Comments
Advertisement ad1

Shillong: Deilang wa ka ri waroh kawi, yaka 71st Republic Day da lehkmen yaka haka nongbah ka jylla, heiwa u montri rangbah ka jylla da pynhær u yaka lama ka ri wei da chim u leh yaka Rashtriya Salute ya ki 10 tylli ki dhab (Marching Contingent) wa kynthup ya ka 58th GTC, Border Security Force, Central Reserve Police Force, Manipur Police, Meghalaya Police DEF, 1st MLP Bn., Meghalaya Police Football Team, NCC (Boys &d Girls), Meghalaya Bharat Scouts & Guides waka Combined Brass Band of Border Wing Home Guards, Border Security Force wa ka ARC Pipe Band ha madan Polo, Shillong.

Ha kani ka lehkmen, u montri rangbah da saam u leh yaka U Tirot Sing Award for Art & Literature cha u Pradip Kurbah wa u Dominic Megam Sangma, ka Pa Togan N. Sangma Award for Social Services cha u Bro. Jose Joseph Kolangauil waka U Kiang Nangbah Award for Sports cha u Tlanding Wahlang.

U montri rangbah da saam u leh yaka Kayakalp Award cha ki thaw sumaar wa man kiwa khooid wa suba, kiwa bood ya ki kyndon yow lait u poor i kjut katkam ka Swachh Bharat Abhiyan cha ki ar tylli ki District Hospital, ka Williamnagar Civil Hospital waka Ampati Civil Hospital, cha ki ar tylli ki Community Health Centres ka East Khasi Hills kitæ ka Mawphlang wa Sohiong wa le tylli ki Primary Health Centres ka East Khasi Hills District wa kynthup yaka Laitryngew, Laitlyngkot wa Mawsahew PHC.

Da pynbna leh yei pyrtuid ki wow yoh yaka President’s Police Medal for Distinguished Service, Police Medal for Meritorious, Fire Service Medal for Meritorious Service waka Governor’s Police Medal kiwa man kamni ha wah:

President’s Police Medal for Distinguished Service cha u Ricky Dkhar, Deputy Inspector General of Police, SB/Security Special Branch.

Police Medal for Meritorious Service cha u Balchand Mishra, UBSI wa u Lambok Shadap, UB Constable.  

Fire Service Medal for Meritorious Service cha u Leading Fireman Aljwin Rani wa u Leading Fireman Anith Marak.

Governor’s Police Medal cha u Geffrey W. Lyngdoh, Dy, SP, ka Queenie A. B. Fancon, Asstt. Commandant SF-10, u L. A. Dkhar, UB Inspector, u B.V. Khongwir, AB Inspector, u Comingstar Sten, AB Inspector, u Lekh Bahadur Chettri, Havildar, u Sulaman Ch. Sangma, Havildar, u Benjamin L. Hmar, UB Constable wa u Amarjeet Kr. Rai, AB Constable. 

Kiwa kongsan ka lehkmen ynne ka sngi toh i pynyoo rong ya ki kari ki chnat sorkar kiwa da pynriam katkam ki kaam yong ki kam na ka chnat Information and Public Relations, Social Welfare, Animal Husbandry and Veterinary, Public Health Engineering, Soil and Water Conservation, Agriculture, Horticulture, Forest and Environment, Fisheries, District Task Force, East Khasi Hills waka Office of the Chief Electoral Officer da em leh ki chaad wa ki rwai.

Kam chibynta kani ka lehkmen, da pynman leh ya kiwa boon ki kam pynwyrngia paidbah kam ki yakob khwe dakha, ki thaw yalehke ki khynnah, ki thaw dai baam, i psiah mynkna cha ka Ward’s Lake, Lady Hydari Park, i pynyoo baiscope wa mynkna, i pynyoo paidbah ya ki kari yong rim, ka Talent Show naka Meghalaya Talent Search Organisation (MTSO) wa kiwi kiwi de ki kaam.

Ha Raj Bhavan won da pynman ya ki tem ki put wa ki rwai tynre.

Advertisement ad1

0 Comments

Leave a Reply