15 49.0138 8.38624 1 0 4000 1 https://wyrta.com 300 0

Rah ka FAM yaka Republic Day Cup U-12 Football Tournament 2020

0 Comments
Advertisement ad1

Jowai: Ka yakhun Final ka 7th Republic Day Cup U-12 Football Tournament 2020 wa pynman da ka WJDSA da poi ko cha wakut ynne ka sngi da ka yalehke hapyrdi ka FAM waka Chilliangraij.

Ya kani ka Final da wan sakhi da u DC ka West Jaiñtia Hills u Garod LSN Dykes kam u kongsan wa u Khroobok Passah, District Sports Officer, West Jaiñtia Hills District kam u symbood kongsan.

Hawa kyruiñ cha ka yalehke Final, ka FAM da yoh ko wow thap kool nyngkong haka minit wa 29 lyngba u Alexander Papiah tangwa ka Chilliang da yoh ko wow su kylliang pyn haka minit wa 33 da ka Penalty wa chim da u Iakisalanmi Lanong.

Ka FAM da pyntam biang ko chi kool haka minit wa 38 da ka kool wa thap u Johnviano Bamon wei da ban ko sa chi kool haka minit wa 50 na u Da-e Kyrpang Phyrngap yow pyntikna yei jop da 3-1.

Ha kani ka sngi da saam leh yei naam Best Goalkeeper cha u Mar-o Shylla uwa yalehke ka Football Academy of Meghalaya (FAM), ya i naam Top Scorer da yoh u Iakisalanmi Lanong (Chilliangraij SC) uwa thap 9 kool, yei naam Man Of The Match da yoh u Johnviano Bamon (FAM), yei naam Player of The Tournament da yoh u Givenson Suting (Demthring SC).

Ha kani ka sngi da pynkup burom leh ya ki le ngut kiwa yalehke ka WJDSA kiwa na Dulong, Jowai deiwa e yaka song poisa wa T. 5,000 samen kiwa mihkhmat yaka Meghalaya State Football Team wa yaka H. Elias Higher Secondary School haka Subroto Cup.

Kini toh u Clifford Lytan wa u Samchaphrang Lato kiwa yalehke haka Sub-Junior National Football Championship 2019 ha Kalyani, West Bengal wei da yoh ka jylla leh yei naam Champion. U Tremiki Lamurong uwa mihkhmat haka Junior Boys Under-17 yaka H. Elias Higher Secondary School, Shillong haka Subruto Cup International Tournament 2019 heiwa kani ka skur da rah ko yei naam Champion.

Advertisement ad1

0 Comments

Leave a Reply