Ynne ka sngi u montri ka kaam yada ri (Defence Minister), u Rajnath Sing da pynhær u ya ka lieñsuiñ yapam kawa tip kam ka Light Combat Aircraft (LCA) Tejas ha HAL Airport, Bengaluru wei man u u montri wa nyngkong dooh wow pynhær ya kani ka lieñsuiñ yapam wa pynmih da ka ri India.
U Rajnath Singh uwa la 68 snem ha ki dur wa pynlait ka chnat yong oo, da yoo wa sap u ya ki sula wa kyrpang namo ki G-suit wei da ku u ha kani ka lieñsuiñ chirup wa u Air Vice Marshal N Tiwari uwa da pynhær lang chirup ya kani ka lieñsuiñ yapam.
U Rajnath da em u hapoh kani ka lieñsuiñ kawa hær kamwa 30 minit wei da pynhær u ya ka da oo hi chibet chipor. Ya u Rajnath da e batai chaphang kani ka lieñsuiñ wei rukom krehkaam ko da u Tiwari wa kiwi ki heh ka Indian Air Force (IAF).
Neiliang u Rajnath da pynsñiaw u yei mynsien wa kmen wow embynta wow pynhær ya kani ka lieñsuiñ deiwa ong leh wa sñiawsarong u wa em ki bru chemphang hapoh ka ri kiwa da ye u chna ya kam kani ka lieñsuiñ yapam. Da ong u leh wa katni da em ki ri kiwa kwah wow thied ya ki Tejas neibynta ki chipai suiñ yong ki.
Discussion about this post