Jowai: Ka 33rd State Badminton kawa sdang naduh ka 2 tarik uni u bnai da poi ko cha wakut ynnin ka sngi ha Indoor Sport Hall Khimmusniang Jowai. Ha kani ka kynti ka East Khasi Hills Badminton Associasion da jop ko boon ki final na waroh ki district kiwa wan ia chimbynta ha uni u snem. Kamwa pynkynmo ki district wa ki kynhun wa wan chim bynta toh ka East Garo Hills, West Garo Hills, South Garo Hills, South West Khasi Hills, West Khasi Hills, East Jaintia Hills, West Jaintia Hills, Ribhoi Batminton Association waka Young Talent Badminton Club.
Ha kani ka ialehkai kiwa chimbynta da chim bynta ki ha ki kyrdan wapher wapher hapoh ki rta 13,15,17,19 snem. Ki nong iachimbynta da ialeh ki mar samen, mar arngut, chynrang kynthai deilang (Mixed Double) waka yakop yonglang (open category)
Haka iakhoon mar samen hapoh 13 snem i rta iong ki kynthai, ka Monalisa Kharain da jop ko iaka Angerona S.Momin katwa haka mar arngut da jop ka Monalisa Kharain deilang wa ka Angerona S. Momin iaka Shejal Joshi waka Sonal Joshi waroh kini toh na East Khasi Hills.
Haka iakop mar samen 13 snem rta yong ki chynrang u Andrew Lotzem uwa na East Khasi Hills da pynrem u ia u Namtam Kharbuli uwa na ka Yount Talent Badminton Club, katwa haka mar arngut u Andrew Lotzem wa u Mohit Joshi da pynrem ki ia u Rishanmi-oo wa u Samhauni kiwa na West Jaintia Hills.
Haka iakhoon mar samen hapoh i rta 15 iong ki kynthai ka Tanvi Ikbal kawa na East Khasi Hills da jop ko iaka Johana F. Khongwir kawa na ka Young Talent Badminton Club, haka mar arngut ka Monalisa waka Tanvi kiwa na East Khasi Hills da pynrem ki iaki Chandasaka waka Wakani kiwa na West Jaintia Hills.
Haka iakhoon mar samen hapoh i rta 15 snem ki chynrang, u H. Passah uwa na West Jaintia Hills da pynrem u ia u Andrew Lotzam uwa na East Khasi Hills, katwa haka mar arngut u H. Passah wa u B. Lakiang da pynrem ki ia u Wansanki wa u F. Ahmed kiwa na East Khasi Hills.
Haka rta hapoh 17 snem iong ki kynthai ka Sheilja Chettri da pynrem ko iaka Tanvi kini arngut toh naka East Khasi Hills. Katwa haka mar arngut ka Banadien waka Sheilja kiwa na East Khasi Hills da pynrem ki ia ka Wakani bad waka Chandasaka kiwa na West Jaintia Hills.
Haka rta hapoh 17 snem iong ki chynrang u Mebanker Shullai uwa na West Jaintia Hills da jop u ia u Ritu Rai Nag uwa na East Khasi Hills, katwa ha ka mar arngut u Buromlangki wa u Mebanker Shullai kiba na West Jaintia Hills da jop ki ia u Wansanki wa u Ravi Singh kiwa na East Khasi Hills.
Ha ka rta hapoh 19 snem ka Sheilja Chettri da pynrem ko iaka Banadien Rapsang. Kini waroh arngut toh kiwa na East Khasi Hills.
Ha ka rta hapoh 19 snem u Kieffer Shullai uwa na East Khasi Hills da pynrem u ia u Mebanker Shullai uwa na West Jaintia Hills katwa haka mar arngut u Kieffer Shullai wa u Ritu Raj Nag kiwa na East Khasi Hills da jop ki ia u Ravi Singh wa u Gabriel kiwa na East Khasi Hills.
Haka mar arngut chynrang khynthai deilang hapoh ka rta 19 snem, u H. Passah waka Wankani Toi kiwa na West Jaintia Hills da pynrem ki ia u Ritu Raj Nag waka Sheilja Chettri kiwa na East Khasi Hills.
Ha ka kyrdan ka yakop ionglang (open category) mar samen ka Pretty Singh kawa na East Khasi Hills da pynrem ko ia ka Larihun Warjri kawa naka Young Talent Badminton Club, katwa haka mar arngut iong ki kynthai ka Pretty Singh waka Naina Sangma kiwa na East Khasi Hills da pynrem ki iaka Dorthy waka Wandasaka kiwa na West Jaintia Hills.
Haka mar arngut iong ki chynrang u R. Joshi wa u P. Joshi da pynrem ki ia u S. Das wa u R. Khannal kini waroh soongut na East Khasi Hills, kawba haka mar arngut deilang chynrang kynthai u R. Joshi waka Pretty Singh kiwa na East Khasi Hill da pynrem ki ia u Ram Najiar wa ka Dorothy Challam.
Ki nongialehkai kiwa rah ia ka nam ‘Best Player’ ha kani ka 33rd State Badminton Championship hapoh 13 snem rta iong ki kynthai toh ka Anjennora S. Momin kawa na East Khasi Hills wa ka Ibanpynhun Kharbani kawa na West Jaintia Hills. Na ka liang ki chynrang da ioh da u Keziah Shullai uwa na East Khasi Hills wa u Eldon Kamar uwa na West Jaintia Hills.
Haka rta hapoh 15 snem iong ki kynthai da ioh da ka Wandakani Toi kawa na West Jaintia Hills wa ka Johana Khongwir kawa na ka YBAC. Katba na ka liang ki chynrang da ioh da u Namtam Kharbuli uwa na ka Young Talent Badminton Club wa u Grandid I. Sangma uwa na Garo Hills.
Katwa hapoh ka rta wa 17 snem iong ki kynthai da ioh da ka Miranda Ryngkhlem kaba na West Jaintia Hills waka Rikumni Syngki kawa na Ri Bhoi Badminton Association. Na liang ki chynrang da ioh da u H. Risami Passah uwa na West Jaintia Hills wa u Mikim Sangma uwa na West Garo Hills.
Ia kani ka 33rd State Badminton Championship da pynlai da ka West Jaintia District Badminton Association kawa hap hapoh ka Meghalaya State Badminton Association deilang i kyrshan lang ka Directorate of Sports and Youth Affairs ka sorkar jylla.
Kani ka state badminton championship toh ka sien wa ar wa man ko ha sor Jowai. Ha kani ka sngi khadduh da wan pynhap pyrda ia ka ialehke da u A. A. Shullai Deputy CEM ka JHADC ha i emlang u Rajesh Kamal Nongbet Secretary Meghalaya State Badminton Association, wa ki dkhot ka West Jaintia District Badminton Association wa kiwi kiwi.
Discussion about this post