Ka sorkar pyrdi ynne ka sngi da pynbna ko wa da pynhiar ya ka dan (Excise Duty) yong i Petrol da T. 8 katwa yei Diesel won T. 6 chi litre. Ini mut wa i Petrol daw hiar dor i da T. 9.5 katwa i Diesel won da T. 7 chi litre.
Da ini da antaad wa i dooh nong ka sorkar daw poi i cha T. 1 lak klur chi snem.
Neiliang ka Finance Minister ka ri, ka Nirmala Sitharaman hawa pynbna yeini, da kyntu ko leh ya kitu ki jylla ki wym em pynhiar dor yei phñiang kari wow leh noh ki ha kani ka kynti yow pynsuk ya ki paidbah.
Neiliang ka Congress da ong ko wa ha kini ki 60 sngi da dep wow pynku yei dor Petrol da T. 10 tangwa da pynhiar da T. 9.50 chi litre.
Ka Sitharaman da pynbna ko leh ya ka Subsidy wa T. 200 kawi ka kum Gas hadooh 12 tylli ki tadong cha kitu kiwa yoh myntoi hapoh ka Pradhan Mantri Ujjwala Yojana wei da ini daw dooh nong ka sorkar da T. 6100 klur chi snem.
