theme-sticky-logo-alt
theme-logo-alt
Advertisement ad1
Advertisement ad1

Pynhiar ka Assam waka Tripura yei dan i Petrol wa Diesel da T. 7

Hadien wa ka sorkar India ynne ka sngi da pynbna ko wow pynhiar ya ka dan Excise Duty da T. 5 yei Petrol wa T. 10 ya i Diesel iwa daw krehkaam nadooh ka 4 tarik uni u bnai deiwa kyntu leh ya ki sorkar jylla wow pynhiar ki ya ka VAT wa da kheiñ hei Petrol wa Diesel, neiliang ki Montri Rangbah ka Assam wa Tripura da pynbna ki wa da chim yei rai wow pynhiar noh ya ka VAT hapoh ka jylla yong ki.

Neiliang u Montri Rangbah ka Tripura, u Biplab Kumar Deb da pyntip u hadien wa da pynhiar ka sorkar pyrdi ya ka dan wa kheiñ ko ha i Petrol wa i Diesel, kamtæ neiliang yong oo da chim u yei rai wow pynhiar yei dor i Petrol wa Diesel da T. 7 nadooh ka 4 tarik wei daw hiar i Petrol da T. 12 katwa Diesel da T. 17 hadien wa pynhiar dor ka sorkar pyrdi waka sorkar jylla heiwa i Petrol daw chong dor i T. 98.33 chi liter katwa i Diesel daw chongdor i T. 85.63 chi litre ha Agartala.

Neiliang won u Montri Rangbah ka Assam, u Himant Biswa Sarma da pyntip u wa kam chibynta wow pynyoo yei sñiawngooh ya ka sorkar pyrdi, neiliang yong oo leh da pynhiar u ya ka VAT i Petrol wa Diesel da T. 7 chi syndon.

Hadien ini, u Montri Rangbah ka Sikkim leh da pynbna u yei jooh wow pynhiar dor yei Petrol wa Diesel da T. 7.

I dor i Petrol wa Diesel daw tip che nadooh ka 4 tarik.

Share this:
Previous

Hadooh ka 30 tarik ye wow ujor ya ki wym toh u mih pyrtuid hapoh ka Electoral Roll ka Amlarem Constituency

Next

Yoh kem ki pulit ya kiwa tooh thuk-thuk