Ki pulit ka North Garo Hills hadien wa em wa pyntip cha ki, da yoh ki wow lai kem ya kawi ka Scooty wa chah thooh heiwa da chem ya ka na thaaiñ Bajengdoba.
Hadien wa takit da chem wa ya kani ka Scooty da tooh na Tura ha u snem 2019 wei da takit yeini da ki pulit ka Tura Police Station heiwa ya kani ka Scooty da yoh wow pynuiñ cha u tre yong ka wei da kem leh ya u bru wa suba joor wa tooh ya kani ka Scooty heiwa da ekti ya oo cha ki pulit ka Tura Police Station.
Hadien ini da tip yeiwa em uwi u bru wa pyrchang wow dai ya kawi ka thuk-thuk Pulsar kawa chah tooh ha ki thaaiñ Mendal, tangwa ki pulit ka da yoh ki wow kem oo deilang waka thuk-thuk.
Hawa takit ya oo da chem wa man u kam u kam u dkhot kiwa tooh thuk-thuk kiwa na Assam wa na thaaiñ Byrnihat. Wei ya uni u bru da ekti cha ki pulit ka Byrnihat yow leh ki yeiwa emkaam.
Kamtæ ha ki 9 sngi da yoh wow kem ya 2 tylli ki thuk-thuk wa kawi ka Scooty kawa chah tooh.
Neiliang ki pulit da kyntu ki ya ki paidbah wow syndong bha hawa thied thuk-thuk na ki bru wym tipmit kamjooh hawa thied kari na ki bru wym tipmit.
