Pynhiar ka sorkar u Mukul ya ka tulop ki MLA da T. 8000 chi bnai

Shillong: Ka dhab ki Montri (Cabinet Meeting) ka sorkar jylla ynne ka sngi da rai ko wow pynhiar noh yaka tulop ki MLA naka T. 2.2 lak chi bnai cha ka T. 2.02 lak, iwa mut da pynhiar ya ka hadooh T. 8 hajar chi bnai.

Ka yung dorbar kawa dadep pdiang ya ka Meghalaya Legislators Salaries and Allowances (Amendment) Bill 2017 wow pynku cha ka T. 2.10 lak ka tulop ki MLA tangwa katni ka sorkar da rai ko wow pynhiar noh cha ka T. 2.02 lak chi bnai.

ADVERTISEMENT

Hawa yaklam wa kiwa pathai khubor hadien ka yalang, u Montri Rangbah ka jylla, u Dr. Mukul Sangma da ong u wa lada pynku ya ka tulop ki MLA, haap wow pynku leh ya ka tulop ki montri sorkar nalor u Montri Rangbah, u Symbood Montri Rangbah wei wow pyntikna wa ka tulop ki Montri ym heh ware ko kamtæ ka sorkar da rai ko wow pynduna noh ya ka tulop ki MLA.

U Montri Rangbah da kyntait u wa i pynhiar biang ya ka tulop ki MLA toh neidaw wa duna poisa ware ka sorkar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha kani ka sngi, da pdiang leh yei pynkylla ya ka Meghalaya Energy Conservation (Energy Consumption Standards for Equipments and Appliances) Regulation 2017.

U Dr. Mukul da ong wa i daw wa mynjur ka sorkar ya ini i pynkylla toh neidaw wow pynkylla noh yei rukom pynemkaam ya ki tiar bordiñ kiwa duna i baam bordiñ iwa man leh kam chibynta wow yada ya ka Bei Rymaw waroh kawi.

“Deiwa pynkylla ya kani ka aiñ ka sorkar Meghalaya daw psiah ko ha ka map ka pyrthai kawa  embynta wow yada ya ka Rymaw” da ong u Dr. Mukul.