Pynhiar ka sorkar ya ka dan na ki duma kam u biri, sikret wa kiwi kiwi

Shillong: Ka sorkar jylla ynne ka sngi da rai ko wow pynhiar noh ya ka thong wa da booh wow pynku ya ka dan na u sikret, biri wa kiwi kiwi ki mar dih na ka 27% cha ka 25% neibynta u snem 2017-18.

Ya ini da khana u Montri Rangbah ka jylla u Dr. Mukul Sangma da klam che u hei yatoh wa ini hadien wa kut kani ka yalang (Cabinet Meeting) ynne ka sngi.

Katkam wa ong u Montri Rangbah, neidaw wa pynduna yei boohthong yei rukom khrong dan daw duna i yohnong ka sorkar kamwa T. 32.1 klur wei daw thooh lad da kiwi ki laad wow pynmih ya kani ka poisa.

Da ong u Mukul wa ka sorkar da pyntip ko ya ki tnat wa emkaam u leh ki hadien wym poi ki cha ka thong wa da booh wow yoh ki weiwa dang em chiboon ki jait duna kiwa da psiah bei-aiñ ki duma chapoh jylla kiwa man be-aiñ iwa wa wanrah yei doohnong ya ka sorkar.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ka sorkar da rai ko wow pynkylla ya ka Excise Rule (3) 72 wow elaad ya kiwa dai kiad wow yoh lap ki 20% na i dor Maximum Retail Price (MRP) neibhah nachwa yoh lap ki du 10 % donhi.

Yeini neiliang u Mukul da pyntip u wa da leh hadien wa kyrpaad kiwa dai kiad na ka sorkar yeini waroh.