Ka Jaiñtia National Council (JNC) ha ka 26 tarik uni u bnai da yoh ko wow pynkha ya ka chnat krehkaam wa thymme yong ka ka wow tip kam ka Moobakhon-Sehlama Unit ha ka yalang wa pynman ha Nongmulieh Govt. LP School Moobakhon, West Jaiñtia Hills District deiwa pynlai ya ka yalang da u General Secretary ka JNC-Western Zone, u H. Lyngdoh.
Da yoh ya ki kyntien maitphang wei pdiang burom ya waroh ki dkhot wa thymme na u Mebanteilang Sukhlaiñ wa ki kyntien sneiñ kyntu kynpham na u Nangjan Dkhar, Vice President JNC-CEC wa na u Hamehi Bamon, President JNC Western Zone, wei ya ka kaam wa kongsan wow pynsmai da leh da u President wa khliehdooh ka JNC, u Sambormi Lyngdoh.
U Sambormi hawa e yei klam da pynsñiaw u wa kam ki chnong kiwa jan bha wa ka Assam toh u tip ya ka parom warim namo ka History ka Ri Jaiñtia khamtam ya u pood u ang khnang yow ye u yada ya u khyndaw u chyiap, neibhah la 50 snem da lai tangwa hadooh kattæ leh ym pu ye wow pynuiñ biang ya ka Elaka Labang-Nangphyllut cha ka Ri Jaiñtia.
Da ong u leh wa kam ka jaitbru wa khian paaid toh u tip i wow ri wow sumaar ya ka riti ka dustur khamtam ka tipkur ka tipkha wei toh leh u tip u yada wei wow pynneh pynsah ya i ktien u thylliej kamwa u (L) Professor Barrister Pakem uwa da yahkhmat wow seiñ ya kawi ka seiñ ha ki snem (1976-1977) kawa tip kam ka “Seiñ ktien wei thoh Jaiñtia” deiwa pynchong yurim “Im i ktien im ka jaitbru”.
Kamtæ u President ka JNC da kyntu u ya ki dkhot wa thymme wow man ki kiwa syndong wei paitbniah ya ki bru kiwa na baar khamtam ki Bangladeshi kiwa wan cha kani ka ri wa maya yong i.
Kiwa kitkaam ka JNC Moobakhon-Sehlama Unit man ki kamni:
President – Rikus Lamare
Vice President – Pynshai Shylla
General Secretary – Lereson Kynjing
Assistant Secretary – Yoomi Sumer
Finance Secretary – Plijes Lamare
Publicity Secretary – Datikna Lamare
Assistant Publicity Secretary – Elies Shylla
Education Secretary – Eborlang Lamare
Environment Secretary – Mandakani Lamare
Arts and Culture Secretary – Pynshebhaki Dhar
Sports Secretary – Tremi Pajuh
Office Secretary – Richmon Sume, wa 11 ngut ki dkhot.
Discussion about this post