15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pynkha ka HANM yaka chnat krehkaam thymme, ka HANM New Shillong Circle

0 Comments
Advertisement ad1
Advertisement ad1
Advertisement ad1

Ka Hynniewtrep Achik National Movement (HANM) Central Body da yoh ko wow ban pynyaar yaki thawaner yong ka ha New Shillong deiwa e pyrtuid daka HANM New Shillong Circle ka wow kynthup nadooh Mawpat ter-ter chadooh Diengpasoh.

Ka thaaiñ New Shillong hadooh kini ki sngi ym pu em kiwon kiwon ki seiñbhalang kiwa da yoh u soohthied, wei da man ko ka sien wa nyngkong yaka seiñ HANM wow yoh pynyaar chnat heini, hadien wa da yachem wa kiwa yahkhmat yong ka seiñ kiwa da yoh wow ya phyllu yumut wa ki khynroo wa ki rangbah kiwa da pynsñiaw yei sñiawkhia yei chah yooh beiñ yong ka jaitbru Ynñiawtrep haki bor wa na baar.

Ha kani ka sngi ka 6 tarik, u Louis Dohtdong Asst. General Secretary HANM Central Body da pynche bniah u ya iwa yatoh waki phang krehkaam yong ka seiñ, uwa da kyntu ya kiwa yahkhmat katai ka Circle wow booh ya i mynsien maya ri ha i dohnood wa ha i pyrkhat waroh. U Lamphrang Kharbani u President HANM Central Body Shillong, da pynbaam smai u ya waroh kiwa kitkaam deiwa e mynsien wow ya kreh deiwa maya hok ya ka ri wa ka jaitbru.

Kiwa kitkam wa hakhmat ka HANM New Shillong Circle toh u Rislin Suting kam u President, u Andy Donald Mawrie kam u General Secretary, u Wanrap Kharkongor kam u Vice president, u Teiborlang Mylliempdah kam u Asst. General Secretary, u Rokas Singh Shangpliang kam u Finance Secretary, u Banjop Nongspong kam u Education Secretary, u Elias Warbah kam u Sport Secretary, u Keddy Well Suting kam u Disciplinary Secretary, u Danial Nongbri kam u Publicity Secretary, u Kampher Kharmalki kam u Organising Secretary, u Kyrshanwanborlang Wankhar kam u Office Secretary, u Klibarious Warbah kam u Asst. Education Secretary, u Jonathan Nongbri kam u Asst. Sport Secretary, u Sikdar Khymdaet kam u Asst. Disciplinary Secretary, u Sony Warbah kam u Asst. Organising Secretary, u Titos Shangpliang kam u Asst. Publicity Secretary, u Nikhel Pynrope kam u Rural and Development Secretary, u Jopbor Lynshing kam u Environment Secretary, u Ibanshai Mawthoh kam u Asst. Environment Secretary, u Properfield Lyndoh kam u Advisor deilang wa 16 ngut ki Executive Member.

Share this:
Previous

Chem metyap wa pasi na iwi i khloo

Next

Nadooh 12 tarik u sdang pynkrehkaam noh ka CoMSO ya ka ILP yong ka hi