Jowai: Kam chibynta u pynheh pynkrai yaka chnat krehkaam, ynne ka sngi ka seiñ Hynñiewtrep Youth Council (HYC) Jaiñtia Hills, da pynkha ko sa ya kawi ka chnat watip kam ka Iooksi Unit haka yalang wada pynman ha Infinity Conference Room Jowai.
Yaki dkhot ka Iooksi Unit da pynskem wei pynbaam smai da u Incharge ka Jaiñtia Hills, u Rockesstar Warjri uwa man leh heijooh i por kam u Asst. Organising Secretary Central Executive Committee, hei emlang u President ka Jaiñtia Hills u Mewothi Suchiang, u General Secretary Jaiñtia Hills u Roamingstar Lamare wa kiwi won ki dkhot naki Circle ki Unit waphær waphær.
Kiwa kitkaam kynthup ya u Baristarwell Latam kam u President, u Lovellast Lathong General Secretary, u Shaiñmaki Tang Pubilc Secretary, u Pascal Dhar Organising Secretary, u Evansius Papeng Sport Secretary nalor u Rebatlang Phyllei, u Shemlangwanki Shylla, u Jevanroy Suchiang wa u Larius Paslein kam ki dkhot.
Da yoh leh ki kyntien kyntu kyrsu na kiwa yahkhmat kani ka seiñ kiwa da kyntu yaki dkhot wow man kiwa sñiawkhian, kiwa chimkhia yei kaam neibynta ka ri ka jaitbru, wei u pyrkhat yillu chwa wow leh yeiwon iwon i kaam.
Yoluti ki wa i wan psiah ki ha kani ka seiñ u yarap bha ko yaki thaw ki thaaiñ waki pait ki.
U Rockesstar Warjri da pynche haroh u yaka yurim waki mat krehkaam yong ka HYC kamjooh i lai luti yong ka haki snem wa dep, kynthup leh heiyatoh wow pynku yaka jaitbru, i sap i phong, u pynneh pynsah yaka riti dustur wa kiwi.
Da pynrap haroh u wa ka mat wa jwat wa dang sahteiñ hadooh katni toh ka ILP.
Discussion about this post