15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mih ka awri neidaw wym pyntip ka Assam hawa wanrah ya ki kaam pynroi: Dr. Mukul

1 Comment
Advertisement ad1

Uwa yahkhmat ka liang pyrchah ha ka yung dorbar ka jylla, u Dr. Mukul Sangma da ong u wa i mih ki kaam awri awra ha ka thaaiñ khappood kamwa da jia ha Umwali, Langpih toh wa boonsien neidaw wa ki bor sorkar na Assam ym jooh pyntip ki cha ki bor sorkar ka Meghalaya hawa thmu ki wow leh ya kawon kawon ka kaam pynroi.

Hawa klam cha ki laad pathai khubor ynnne ka sngi, u Dr. Mukul da ong u wa toh i kamram yong kini ki ar tylli ki sorkar jylla kitæ ka Meghalaya wa ka Assam wow yaklam pynbait ya ini i eh. Katkam i ong u Dr. Mukul, ha ki thaw wa kajia pood kini ki ar tylli ki jylla, ym toh u chah de wow wan chna næ seiñ chnong thymme, wei da kawi leh toh u pyntip chwa hawa kawon kawon ka sorkar wanrah ko ya ki kaam pynroi.

Da ong u wa i ap i sñiaw ka sorkar Assam wow yaklam wa ka sorkar Meghalaya ye wow man neibhah wa da chem yei eh wow yasaaid ya ki dulir wa da ekti da ka Meghalaya wow pynskem ya i kam ya ki thaw wa kajia.

U Dr. Mukul uwa man leh u montri rangbah warim, d ong u wa ka sorkar Meghalaya da ekti ko wow pynskem ya i kam ya ki thaw wa kajia ha u snem 2012 tangwa hadooh katni ka Assam ym pu ye ko wow e jubab.

Ka sorkar jylla toh u booddien deiwa eh ya ka ILP

Uwa yahkhmat ka Congress, u Dr. Mukul Sangma da ong u wa toh i kamram ka sorkar jylla wow booddien hajrong ka Inner Liner Permit (ILP) wa ka sorkar pyrdi.

Ka yung dorbar ka jylla da chim ko yaka rai ha ka 19 tarik u Kmaichonglad ynnin u snem wow dawa na ka sorkar pyrdi wow pynkrehkaam ya ka Inner Line Permit (ILP) ha kani ka jylla hadien wa ka sorkar pyrdi da wanrah ko wow pynma aiñ ya ka Citizenship Amendment Act (CAA) 2019.

U Dr. Mukul da ong u wa ka jylla emkaam ko yaka ILP nei wanrah ya ka CAA lyngba ka buit poh ka BJP.

Share this:
Previous

Dawa ka Congress na ka sorkar jylla wow pyndam ya ka ujor pyrchah ya ka Lokayukta

Next

Pynkha ka HYC yaka Iooksi Unit