theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pynkha tnat ka KJNU ha Chnong Saphai

Jowai: Ka seiñ Khasi Jaiñtia National Union (KJNU), yow pynyaar chooh chooh ya ka tnat krehkaam yong ka, ynnin ka 01 Naiynru da ye ko u pynkha sa kawi ka tnat krehkaam yong ka ha ka chnong Saphai, West Jaiñtia Hills District ka wow tip pyrtuid kam ka Saphai Unit. Ka chnong Saphai toh ka chnong kawa em ha khappood wa ka jylla Assam.

Ha chwa u pynbaam smai ya ki dkhot yong ka tai ka Unit da em ka yalang kawa da pyllai da u Wompherki Kanai, u President katai ka Unit, heiwa da yoh yei klam na u Paila Kordor Lyngkot, u Ymdonbatip Papeng, Secretary Chnong; ka kong Balari Shullai, President KJNU Women Wing CB; u ma Niman Shadap, President KJNU CB; u Kyrshan Rymbai, President PSU; ka kong Suk Dhar Organising Secretary, KJNU CB; ka kong Edlis Suchen General Secretary KJNU Saphai Unit wa kiwi.

Advertisement ad1

Ya i pynbaamsmai ya ki dkhot ka Saphai Unit da leh da u General Secretary KJNU CB u Bishar Samayang, uwa da e leh ki ktien kyntu kynpham ya kitai ki dkhot wa thymme. Katwa ya ki mat krehkaam wa i thmu wa kongsan dooh yong ka seiñ da batai da u President ka seiñ u Niman Shadap.

Ki dkhot ka Saphai Unit kynthup ki ya u President u Wompherki Kanai, General Secretary kong Edlis Suchen, Vice President kong P. Shadap, Assistant General Secretary Iaraplang Suchiang, Finance Secretary Modesty Pasah, Organising Secretary Tiplang Biam, Publicity Secretary Banroi Marpna deilang wa 30 ngut ki Executive Member.

Advertisement ad1
Share this:
Previous

Joint Secretary of MoRD inspects MGNREGS works in the state

Next

Yoh wa ar ka WJBA ha ka State Boxing Championship