Shillong: Ka Hill State People Democratic Party (HSPDP) da pynsñiaw ko yei sñiaw phylla hadien wa leh tiplut u HS Shylla ya ki kaam pohyung ka seiñ neibhah ha ka khubor na ka Media Cell ka party, da ong wa i pynbaad u Shylla wa i rai wow yakrehlang wa ka UDP ha ka MLA 2018, da leh samen u president wei man i iwa bakla neibhah yeini da rah ha ka CEC wa da man ha ka 25 Naisan 2017 ha Conference Hall ka MLA Hostel heiwa da bait wow yakrehlang kini ki ar seiñ (HSPDP wa UDP).
Hajrong wa pynbaad u Shylla wa tieñ u Ardent Basaïawmoit ya oo, ka seiñ da ong ko wa lada man i iwa sakhiat neiliang u Ardent toh u pdiang u ya u ksiang wa phah u Shylla wow yasuk noh ki hapyrdi yong ki.
Ka khubor da ong ko wa u Shylla da phah u ya uwi u waheh ha u Thohlakhmi (February) uni u snem heipor wa man dorbar mang poisa ka KHADC heiwa uni u waheh da tyrwa u wa lada u Ardent yasuk u wa u Shylla, neiliang u Shylla u psiah noh u cha ka HSPDP.
“I sñiawkmen sang i hawa yoh ya kam uni uwa yahkhmat uwa yieñ skem ha ka yurim yong oo wei u wym ap ya kiwon kiwon ki wow myntoi u samen” da ong ka HSPDP.
Ka seiñ da ong ko leh wa i yakrehlang wa ka UDP ymtoh sakhiat iwa tieñ ko tangwa man i iwa angnood wei i thrang ki paidbah.
Discussion about this post