theme-sticky-logo-alt
theme-logo-alt
Advertisement ad1
Advertisement ad1

Pynkhreh biang ka sorkar wow wai ya ki thaw puræ, la 50% kiwa da chim tika: Lahkmen

Advertisement ad1
Advertisement ad1

U Montri ka chnat puræ puthi ka jylla, u Lahkmen Rymbui da ong u wa hadooh ynne ka sngi ka chnat da yoh yutip ko wa em kamwa 50% na ki khynroo khyllood kiwa da yoh ya i tika yada COVID-19 wei kani ka yutip toh katkam wa yoh na waroh ki thaw puræ wa ki College ha kiwa em ki khynnah kiwa dadap 18 snem i rta.

Neiliang u Rymbui da ong u wa ka chnat da paan yukheiñ ko heiyatoh wa i em ki khynnah kiwa da chim tika la chibnai heiwa da chem wa em palat 50% wei ini da man i iwa yoh mynsien heiwa da ong u wa ini man i kam ka laad wow tip wa kat mynnu u yoh biang u wai ya ki College ha ka Jylla.

Advertisement ad1

Da ong u leh wa ka chnat da pynkhreh ko kammon wow wai noh ya ki College hadien wa da pynbna ya ka Result SSLC wa HSSLC (Arts) ha ka 5 tarik uni u bnai deiwa ong wa i doohnong ki khynnah ymtoh de iwa ke ha ka chi snem chiteiñ, wei da toh i por wow wai noh ya ki thaw puræ kamwa man ha kiwi tawon ki jylla ka India.

U Lahkmen da ong u leh wa kamwa man katni ha kini ki chi tayaw tam ka jylla da sakhi ko yei em boon ngut kiwa yabi ya uni u khñiang khlam COVID-19 wei hajrong ini ka chnat ympu chim ko ya iwon iwon i rai, deiwa pynrap wa lada i man i long ha kini ki sngi wow wan man i iwa bha daw ye wow chim rai kammon wow ye biang u wai ki skur wa ki thaw puræ.

Ha iwi i liang da ong u wa ka result SSLC wa HSSLC (Arts) ka MBoSE ya kawa daw pynbna ha ka 5 tarik uni u bnai, neiliang ka chnat da phah ko ya ki thaw puræ wow bood ryntih wow pynduna na i boon paaid ha ki thaw wa lai thap pyrtuid (Register) Class ki khynnah, wei emkaam leh wa ki thaw puræ wei ki thaw puræ ymtoh wow phah su ki ya ka bai skur wa ka bai puræ neibhah wa em kiwa boon wa chah ktah ha u COVID-19.

Share this:
Previous

La 83 snem wa noh-jhep ha Marten, da toh u thooh thaw chawi: SSMP

Next

Pyndooh ka sorkar ya ka Scheme neibynta ki paaid khappood kawa da sdang da ka Congress: Dr. Mukul