Pynkhreh ka Congress wow pynkhai im ha Ranikor

Shillong: Ka Congress da pynkhreh ko wow pynkhlan ya ka party ha Ranikor hadien wa da ieh noh kaam u MLA yong ka, u Martin M Danggo.

Uwa ektien ya ka Congress, u Himalaya M Shangpliang da ong u wa ya ka election chiteiñ samoi ka wow man ha Ranikor Constituency, ka party dang pynkhreh ko wow chna thymme ya ki tnat kiwa da pyndam wei daw pynkhlan chooh chooh ya kitu kiwa dang skem.

Da ong u wa hadien wa da em kiwa pyndam ya ki tnat hanlada kiwa boon dang skem ki hadien wa ieh kaam noh u Danggo, ka party da phah pynkhai im wei wow pynkhlan biang ya ki ha ki chnong waphær waphær.

Da ong u wa ka Block Congress leh dang sylli ko ya ki wei dang thooh ya u namo ka kyrtong wei da e laad wow pyndep ya ka kaam wow chna ya ki Unit ha kitu ki thaw wa da pyndam wei hadien ini daw leh yeiwa emkaam.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hajrong wa mih ka khubor wow kyrchaan ya ka UDP, u Himalaya da kyntait u wa em kam kani wei da kam u wa man ko du ka khubor hamsaya donhi.

Ha iwi i liang da pynsñiaw u yei sahnood wa yut u Danggo, tangwa ym ye u leh iwon iwon hajrong ini neibhah wa man i mon samen yong oo.

Hajrong i kwah mih madan u Pynshngain N Syiem wow yakhun na Ranikor, u Himalaya da pynrem u ya oo na Mawsynram deiwa ong wa ym em u iwon iwon wow ong deiwa kitbok wow poi u cha ka thong.

Da kyntait u wa dang em ki MLA kiwa ye u mih  na ka Congress deiwa kyntait leh wa dang em ki MLA ka party ki wow mih hadien u Danggo deiwa kam wa kani man ko du ka khubor hamsaya wei waroh 20 ngut ki MLA skem wei neh ki wa ka party.