Ka United Democratic Party UDP, Jowai Circle Unit kawi naki seiñ saiñhima sima hapoh ka jylla, ynne ka sngi kam chibynta i lai luti wow pynkhlan bor yaka Party kamjooh i pynkhreh ya u snem 2023, da pynthymme ko ya kiwa ksoh kaam yong ka haka yalang wada pynman ha Infinity Conference Hall, Jowai.
Ha kani ka sngi da jied ya u Kitboklang Nongtdu kam u President, u Marki Mulieh Ex-MDC kam u Vice President, General Secretary u Kynsai Bareh, Asst. Secretary u Timothy Phawa katwa u Moonlight Pariat u MDC warim ka JHADC kam u Adviser.
Neitæ da jied leh ya kiwa ksoh kaam ka Youth Wing, heiwa u Wympher Laloo kam u President, u Da O Toi kam u Vice President, u Mewan Pyrtuh kam u Secretary wa u Deisarmi Toi kam u Asst. Secretary.
Neibynta u lai luti heiyatoh wow jied won yaki dkhot yong ka Women’s Wing da ekti haka S. Syngkrem waka El Dkhar u man ki kam ki Convener.
Nalor kini kiwa ksoh kaam haki bynta waphær waphær da jied leh deilang waki Executive Member.
