Ka seiñ kiwa kreh Muster Roll ha ki chnat krehkaam sorkar waphær waphær ka ri-loom Jaiñtia wa tip kam ka All Jaintia Muster Roll Worker’s Union ha ka 17 tarik uni u bnai da pynman yalang ki ha Auditorium ka District Library Jowai neibynta u yachem yaphyllu wei wow ya pyrkhat yei eh i khoo yong kiwa kreh Muster Roll ha ki liang waphær waphær wei khamtam heiyatoh wa ka Arrear wei wow pynku ya ka bai nong sngi yong ki katkam ka aiñ Minimum Wages Act kawa man ka Base Rate wa kamjooh hajrong ka Variable Dearness Allowance (VDA) wa ka sorkar toh u pynku ko ya ka bai nong sngi ha ka 1 tarik u April wa ha ka 1 tarik October man-u-snem katkam ka aiñ Minimum Wages Act.
Hadien ka yalang neiliang uwa e buit ka seiñ u Khroo Lamsalanki Pariat ha chirup kiwa yahkhmat ka seiñ khana u wa hei sakhiat yeini ka sorkar da toh u pynku næ su nadooh ka 1 tarik u October 2023.
Kamtæ hajrong kani ka phang ong u wa da pteiñ ki u yaklam u dawa yow pynlait ya ka poisa wa sahteiñ hadooh wa da poi u pood wow hap mih yakhih ki cha Shillong ha u bnai December 2024, wei heitæ i por ka sorkar jylla lyngba u Commisioner Secretary da kular ki wow pynlait.
Da pdiang u leh wa em hi i pynlait na ka Floor Rate ha u bnai January 2025, tangwa diaw won ki toh wa ya ka Arrear kawa toh u krehkaam nadooh 1 tarik October 2023 hadooh katni ka sorkar suki bait ko.
Kamtæ lyngba kani ka yalang da chim ki yei rai wow lai pynsñiaw biang sa chisien cha ka sorkar wei lada toh u pynkhreh biang dei yakhih leh u lai ki chakhmat lym su ka sorkar. Heijooh i por khut u ya waroh kiwa kreh Muster Roll wa em ha ki chnat sorkar ka jylla la ha Khasi wa Garo Hills wow ya mih ki chakhmat yow ya dawa yei hok.
Discussion about this post