Ha ka dorbar kut snem ka seiñ All Jaiñtia Muster Roll Workers & Labour Union, wa da pynman ha ka 17 tarik ha Yungwalieh ka chnong Dulong, Jowai, ka seiñ da kyrpaad ko leh ya waroh kiwa kreh kam ki Muster Roll ha ki chnat sorkar waphær waphær wow kreh minot ki yei kaam wa da e kti ha ki katkam ki kyndon ka sorkar.
Neitæ da kyrpaad ya ki heh yong ki chnat sorkar nadooh kiwa em ha Shillong hadooh kiwa em ha District wa Sub-Division wow pynkrehkaam hok ki ya ki hukum katkam wa da phah na ka chnat Personel, ka chnat Finance wa Labour yong ka sorkar jylla ya waroh kiwa kreh Muster Roll kiwa toh hok u yoh ym wow pynkrehkaam dei sñiaw samen næ ya kiwa emyatoh, kiwa ha-yung namo wa em haka jooh ka saaiñ pyrthai.
Da kyrpaad haroh ki ya ka sorkar jylla wow e noh ya ka RCW cha kiwa toh u yoh wei pynku nongsngi cha kitu ki Muster Roll kiwa da kreh palat san snem.
Neitæ i su nong man-u-bnai kamwa hukum ka chnat Finance ka sorkar jylla.
Ha kani ka sngi ka seiñ da jied thymme ko leh ya kiwa ksoh kaam ka seiñ neibynta u snem 2025-2027, kitæ kynthup ya u Khroo L President kam u President, ka Basic Dora Thubru, u Phrangsngi Sutnga wa ka Bniah Sapuh kam ki Vice President, ka Dayoowanphi Iakai kam ka General Secretary, ka Wegetwell Ramut, ka Wandakaru Shullai wa ka Phaibiang Phawa kam ki Asst. General Secretary, ka Alginia Ryngkhlem kam ka Finance Secretary wa kamwa 25 ngut ki dkhot ka seiñbei wa mihkhmat na ka West wa East Jaiñtia Hills District, ki C&RD Block wa na Shillong yong ki chnat krehkaam ka sorkar jylla.
Discussion about this post