theme-sticky-logo-alt
theme-logo-alt

Pynkrehkaam ka sorkar da ka aiñ ka sorkar pyrdi neibynta kiwa chongdai madan

Advertisement ad1

Ha ka yalang yong ka Dhab ki Montri namo ka Cabinet Meeting wa da pynman ynnin ka sngi, neiliang ka sorkar da chim ko ya ka rai wow pyndam noh ya ka aiñ ka jylla kawa pait yei chongdai cha rood sarok wei wow pynkrehkaam noh da ka aiñ ka sorkar pyrdi wei wow pynkrehkaam ya ka Meghalaya Street Vendors Protection of Livelihood and Regulation of State Vending Rules 2022.

Hawa khana chaphang ini, neiliang u James PK Sangma, uwa man leh kam uwa e ktien yong ka sorkar, da khana u wa i chim ya ini i rai wow pynkylla toh hadien wa ka sorkar da dep chwa ko u pynkrehkaam ya ka Meghalaya Street Vendors Protection of Livelihood and Regulation of State Vending Rules 2014.

Advertisement ad1

Tangwa ini wa dep, neiliang ka sorkar pyrdi da dep ko wow pynthymme biang ya kam kani ka jooh ka aiñ kawa tip kam ka ‘The Street Vendors and Protection of Livelihood and Regulation of Street Vendors Act’ ya kawa ka Cabinet da chim ko ya ka rai wow pynkrehkaam noh ya kani ka aiñ thymme ka sorkar pyrdi.

Neiliang ka seiñ kiwa chongdai madan kawa tip kam ka MGSPHSVA, da pynsñiaw ko yei hun wa hadien 6 snem ka yakhun wow yoh ya ka aiñ ka sorkar pyrdi neibynta wow kamai kajih heiwa da yoh noh ki yeini.

Kam wow kdaw heini wa ka yung bichaar ka Meghalaya High Court ynnin da pynkut ko ya ka mukotduma kawa yatoh wa ki kaam kiwa chongdai madan hadien wa da mynjur ka sorkar jylla wow pynkrehkaam noh da ka aiñ ka sorkar pyrdi.

Ka yung bichaar da phah ko leh ya ka sorkar jyllla wow chna noh syndon ya ki kyndon wei wow pyndep yeini hapoh i por.

Ka seiñ da ong ko leh wa ki kyndon da kdaw ko wow chna ya ki Town Vending Committee kawa hap u kynthup ya 40% kiwa chongdai madan kam ki dkhot najrong kiwi kiwi deiwa kdaw heiwon wa chah u chongdai wei heiwon ym chah kamjooh i por wa chah u chongdai.

Ka seiñ da e khublei ko leh ya ka Angela Rangad wa u Kyrsoibor Pyrtuh kiwa da yarap ya ka seiñ nadooh wa sdang.

Share this:
Previous

Daw pynman ya ka General Meeting ka JHADC Pensioner Association

Next

Daw pynman ya ka Gold Cup ka Moosyiem CSC ha Shangpung, da khut wow wan chimbynta