Katwa dang pteiñ ka thma ha West Asia i duna i phñiang leh dang joor i ha waroh ki ri ka pyrthai khamtam ka India heiwa da sdang sakhi wa da sdang duna næ ku dor ki kum LPG Cylinder ha ki sorbah ka ri neidaw wym yoh ki jhaad wa kit phniang wow lai kamwa jooh lai ha Strait of Hormuz.
Kamtæ wow yakhun pyrchah yeini, ka sorkar pyrdi da pynkrehkaam noh ko da ka Essential Commodities Act (EC Act ) wow pyntikna wym duna ki kum LPG Domestic Cylinder.
Katkam ka hukum ka sorkar pyrdi da ong wa i e bhah ya ki kum LPG u man i katkam wa emkaam ki manyung ka ri wei toh u man salonsar.
U kheiñkor chwa ya ka Domestic Piped Natural Gas Supply, ki Compressed Natural Gas ya ki kari wa ki LPG cha ki manyung ka ri.
Chooh chooh da phah wa i pynpoi ya ka Natural Gas cha ki karkhana chna sboh ymtoh u duna i.
Neiliang ka sorkar India da thung ko leh da ka Committee wow pait yei rukom pynpoi LPG cha ki wym em pynkemkaam da ki Domestic heiwa ki dkhot kani ka Committee toh ki Executive Director ka Indian Oil Corporation, ka Bharat Petroleum Corporation wa ka Hindustan Petroleum Corporation.
Ki thaw dai baam kam ki dukan cha, dukan ja kiwa em ha sor Bengaluru, Chennai wa Mumbai da ong ki wa lada ym ye u pyndap yeiwa emkaam ki, pyn nadooh mynstep da hap ki wow khang.
Discussion about this post