Ka sorkar Meghalaya ynne da mynjur ko wow pynkrehkaam pura yaka Meghalaya Education Recruitment Board (MERB) neibynta wow thung kreh ya kiwa sikai skur.
Hawa pyntip chaphang ini, neiliang u Montri Rangbah ka jylla, u Conrad Sangma da ong u wa em kamwa 187 tylli ki kreh wa lait ha ki thaw puræ khamtam ha ki thaw puræ wa heh kyrdan hadooh ki Secondary wa Higher Secondary wa kiwi de ki kyrdan.
Da pyntip u wa em ki thaw wa kini ki kreh da lait ki khlem wa chah thung kreh da 3-4 snem, kamtæ da ong u wa da sñiaw emkaam wow em kani ka Recruitment Board yow pyndep yei thung kreh hapoh 3-6 bnai.
Da ong u wa i daw wa da leh yeini toh kiwa boon ki kreh wa lait kiwa sah ha MPSC neidaw wym ye wow pynman Exam heipor wa biang wei da pynkynmoo u leh wa da chimpor hadooh 5 snem du wow thung Doctor wei yow lait yeini da thung da ka Meghalaya Medical Recruitment Board (MMRB) heiwa da ye wow thung kreh 500 ngut ki Doctor hapoh 3 bnai.
Kamtæ da ong u wa kani ka Education Recruitment Board daw ye ko wow thung kreh smat ha ki thaw lai puræ.
Da pynche u leh wa i khut kreh wa da leh katni u lai ki chakhmat wei ym pynkylla de tangwa hadien daw leh noh da ka MERB hadooh kiwa thung ha ki Division leh u em noh ki hapoh kani ka Board deiwa bood da ki kyndon thung kreh wa em chwa katni.
Discussion about this post