Ka yung bichaar ka Madras High Court, ynnin ka 17 tarik da kyntait ko ya ka mukotduma (W.P. No. 20027 of 2020) kawa da pyrchah ya ka Section 60 (c) yong ka Representation of the People Act, 1951 wa kiwi ki kyndon wow pynkrehkaam ya ki Postal Ballot da ka Election Commission of India (ECI) neibynta ki bru kiwa ymye wow lai thap Vote heipor Election.
Kini ki bru kiwa ymye wow lai thap Vote kynthup ki ya kiwa da em palat 80 snem i rta, ki bru kiwa duna hei doh i pran, kiwa chitom na u COVID-19 wa ki bru kiwa kreh ha ki kaam kiwa ymhoi u sangeh (Essential Services).
Kani ka Yung Bichaar da ong ko wa toh u pdiang wa ka Election Commission kwah ko wow kynthup ya waroh wei wow chah ya waroh wow chimbynta ki ha i thap Vote katkam i hok yong ki katkam ki kyndon yong i synchaar paidbah.
Da ong ko leh wa chong i ha i bor yong ka Commission wow booh kyndon wow pynlai bait ya ka Election.