Ka Central Pollution Control Board (CPCB) da pyntip ko wa ki State Pollution Control Board (SPCB)/Pollution Control Committee (PCC) ha u Wisu wa Naitung (March & April) 2020 da pait da sylli bha ki yei ktah ka Lockdown COVID-19 ha ki wah wa em ha ka ri.
Ya ini i sylli da leh ha ki 19 tylli ki wah heh ka ri wa kynthup ya ka Beas, Brahmputra, Baitarni, Brahmani, Cauvery, Chambal, Ganga, Ghaggar, Godavari, Krishna, Mahanadi, Mahi, Narmada, Pennar, Sabarmati, Satluj, Swarnrekha, Tapi wa Yamuna.
Ini i sylli toh katkam ki yukheiñ (Parameters) kam ka pH, Dissolved Oxygen (DO), Bio-chemical Oxygen Demand (BOD) wa Fecal Coliform katkam ki kyndon ka Primary Water Quality Criteria wa da booh da ka sorkar pyrdi deiwa bood ya ka Environment (Protection) Rules, 1986.
Na ini i sylli ha kini ki bnai wa krehkaam ka Lockdown da chem wa ki wah kam ka Brahmani, Brahmputra, Cauvery, Godavari, Krishna, Tapi wa Yamuna da rap khooid ki (Improvement in water quality) iwa ye u man neidaw i duna i tooid ki jakhlia na ki karkhana, na ki bru, ki mrad wa kiwi kiwi tangwa ym em u phær i man i long ki wah kam ka Beas, Chambal, Ganga, Satluj wa Swarnrekha khamtam ka wah Sabarmati wa Mahi kiwa ym em u kylla tang kajiak leh.
Ka CPCB chirup wa ki SPCB/PCC da booddien ki dei langær yei man i long ki um ki wah lyngba ki Monitoring Station kiwa hapoh ka National Water Quality Monitoring Programme.
Da chem wa ki wah ha ka ri da man bih ki neidaw wa kai wa tooid ki jakhlia na ki chnong wa ki sorbah wa khamtam na ki karkhana wei toh i kaamram ki sorkar jylla wa kiwi kiwi ki chnat wow pyntikna wa da pynkhooid ya ki dooid ki liar chwa wow poi ki cha ki wah.
Ini man i chibhah na iwa pyntip u montri khynnah ka chnat Jal Shakti & Social Justice and Empowerment u Rattan Lal Kataria ha Lok Sabha ynne ka sngi.