theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Pynku ka sorkar jylla yei dan i Petrol wa Diesel

Ka sorkar jylla ynne ka sngi da rai ko wow pynku noh ya ka dan wa da kheiñ ha i Petrol wa Diesel, wei da ini i pynku, i dor i phñiang kari leh daw ku noh noh ha ka jylla.

Hawa klam hadien ka yalang yong ka Dhab ki Montri namo ka Cabinet Meeting, u Montri wei uwa man leh kam uwa e ktien ka sorkar MDA, u James PK Sangma da ong u wa i pynku ya ka dan i Petrol wa Diesel toh hadien wa ka sorkar Assam da pynku ko yei dor i phñiang kari wei ini toh iwa jooh leh nadooh nachwa lada pynhiar dor ka Assam ka Meghalaya leh pynhiar ko wei lada pynku, ka Meghalaya leh pynku ko.

Da ong u wa ka dan wa katni yong i Petrol toh 13.5% lane T. 11 chi liter wei hadien wa pynku ya ka dan i Petrol cha 13.5% iwa mut da ku cha T. 12.5 chi liter. Hawa yatoh wa i Diesel da khana u wa katni ka dan toh 5% lane T. 4 chi liter, wei da pynkylla cha ka 5% lane T. 5.50 chi liter deiwa jied yeiwa heh dooh i nong.

Ini i dor thymme toh iwa daw krehkaam nadooh ka 25 tarik uni u bnai.

I dor Petrol chi litre ha Byrnihat u man i T. 95.10 katwa ha Shillong T. 96.83. I dor Diesel won ha Byrnihat u man i T. 83.50 katwa ha Shillong won T. 84.72 chi litre.

Share this:
Previous

Yoh kem ki pulit ka East Jaiñtia ya u snar wanrah nong Bangladesh cha India

Next

Daw pynman ya ka General Meeting ka JHADC Pensioner Association