U Deputy Commissioner ka East Jaiñtia Hills District da pyntip paidbah u wa deiwa pynkylla ya ka aiñ Motor Vehicles Act, 1988 lyngba ka Motor Vehicles (Amendment) Act, 2019 da pynku yei su bai lutsan cha kiwa yap, kiwa mynsoo hawa chah tyrrah kari heiwa kiwa tyrrah da yut ki na i thaw wa jia (Hit and Run Motor Accident).
Neiliang ka Ministry of Road Transport and Highways ka sorkar India da pynmih ko yaka “Compensation to Victim of Hit and Run Motor Accidents Scheme, 2022” yow e hadooh Rs. 2,00,000 lada yap nei chah tyrrah (Hit and Run Motor Accident) wa Rs. 50,000 cha kitu kiwa mynsoo na ini i chah tyrrah (Hit and Run Motor Accident).
Hapoh kani ka Scheme da booh dei por yow su ya kani ka poisa.
Neiliang u Claims Enquiry Officer toh u pyntip u yei rai hapoh chi bnai nadooh wa em kiwa wan kam, hadien ini won, u Claims Settlement Officer da e por ya oo 15 sngi yow pynlait yaka poisa wei wow phah yaka Sanction Order cha u General Insurance (GI) Council deiwa pyntip leh cha ka Motor Accident Claim Tribunal wa cha u Transport Commissioner. Manda dep ini, ka poisa toh u phah ka cha kiwa kam hapoh kani ka Scheme hapoh ka 15 sngi kawa toh u leh da ka GI Council.
Yow tip bniah kammon wow lai kam ya kani ka Scheme ye wow lai ha ini i link https://www.gicouncil.in/insurance-education/hit-and-run-motor-accidents/.
Discussion about this post