theme-sticky-logo-alt
theme-logo-alt
Advertisement ad1
Advertisement ad1

Pynkup burom ka Blood Bank Jowai ya kiwa e snam sñiawbha

Advertisement ad1
Advertisement ad1

Kam chibynta ka National Voluntary Blood Donors Day namo ka sngi wa kyrpang kiwa e snam sñiawbha, ka Jowai Blood Bank da pynkup burom ko ya kiwa e snam kamjooh ki seiñ kiwa jooh wan chakhmat wow e snam Blood sñiawbha ha kiwa boon ki kynti.

Ha ka yalang wa tbian wa da pynman ynne ha ka Conference Hall ka Blood Bank, Jowai da emlang ka Dr. R. Pohrmen, Superintendent ka Jowai Civil Hospital, Ialong kam ka kongsan.

Ka phang neibynta uni u snem toh kawa ong “Give Blood and Keep the World Beating.”

Hawa e yei klam, ka Dr. Pohrmen da e khublei ko ya kiwa e snam sñiawbha kamjooh kiwa boon ki seiñ neibhah dei e snam yong ki da ye wow yarap pynim ya kiwa boon wei da man ko leh kam ka nongmuna ya ka imlang sahlang.

Da pynsñiaw ko leh yei sñiawngooh ya kiwa e snam sñiawbha kamjooh yei sbun wei i ya krehlang deiwa e snam man-i-por iwa da pyntikna wa dap wei biang i snam wot ha ki por wa em ka khlam. Kamtæ da pynchlur ko wow leh ya ini i kaam wa emburom.

I snam man i iwa emkaam dooh hei doh i pran u bru wei deiwa yoh snam heipor wa biang da ye wow pynim ya ki bru nadooh kiwa kha khon, kiwa mynsoo wa kiwi de, kamtæ ka Dr. Pohrmen da pynchlur ko ya waroh wow wan ki chakhmat wow e snam yow ye u yarap pynim ya ki bru.

Ka A. Laloo, Assistant Director, VBD MACS lyngba i pynyoo da ka PowerPoint Presentation wa tbian da khana ko ya ki kaam wa da leh da ka Blood Bank.

Ka Dr. P. Shylla, In-charge ka Jowai Blood Bank da pynlai ko ya kani ka yalang wei da e khublei ko leh ya waroh kiwa da e snam ya ki kaam wa bha wa da leh ki.

Ya ki kyntien e khublei da yoh na ka M. Dkhar, Staff Nurse.

Share this:
Previous

Ujor ka FKJGP wa deiwa su T. 1500, ki baar jylla yoh Aadhaar ki khlem biang ki kot ki sla

Next

Hapoh 20 tarik e por ki tre Truck ya ki karkhana Cement wow pynkrehkaam ya iwa da dep mynjur