theme-sticky-logo-alt
theme-logo-alt
Advertisement ad1
Advertisement ad1

Ujor ka FKJGP wa deiwa su T. 1500, ki baar jylla yoh Aadhaar ki khlem biang ki kot ki sla

Advertisement ad1
Advertisement ad1

Ka seiñ FKJGP-East Jaiñtia Hills District ynne ka sngi da lai yachem ko ya u Deputy Commissioner yong ka East Jaiñtia Hills District, u E. Kharmalki hajrong i yoh Aadhaar Card kiwa boon ki baar jylla hapoh ka District khlem ki kot ki sla kiwa biang wei deiwa booh ya ki chnong thaw sah namo ka Permanent Address da ki chnong ki thaw yong ka District iwa da jia hapoh ka chnong Thangskai kawa em kattu katni ngut ki baar jylla kiwa da dep yoh Aadhaar Card deiwa kam toh kiwa chong chnong wa pura.

Ka seiñ da chem ko leh wa kattu katni tylli ki Aadhaar Card wa ki baar jylla da yoh ki khlem ki kot ki sla kiwa biang wow pynsakhiat ya ka chnong wa sah ki tangwa deiwa su T. 1500 ya kitu kiwa chondur Aadhaar, da pynyoh Aadhaar ya kini ki bru.

Ka seiñ da sñiaw lyngngoh ko wa kammon kini ki baar jylla da yoh laad ki wow e Permanent Address hapoh u pood u ang yong ka chnong khlem da tip ka Dorbar Chnong.

Kamtæ neiliang ka seiñ ha ka dorkhat wa da e ha u DC, da dawa ko wow pyndooh pyndam chisyndon ya kitu ki Aadhaar wa da dep e cha ki baar jylla hapoh ka District neibhah wa booh ko hei maa ya kiwa khian paaid ka tre jylla lada ini i kaam pyrchah aiñ u nang pteiñ i.

Da dawa leh na u DC wow pynchitom ya kitu kiwa chondur Aadhaar wa chim poisa wow leh ya ini i kaam.

Neiliang u DC da kular u hakhmat kiwa yahkhmat ka seiñ deiwa emlang leh wa u Assistant Waheh Chnong ka Thangskai wow chimkhia ya ini i kaam hapoh ar tayaw wei leh da kular u wow phah dei thoh cha ka UIDAI (Unique Identification Authority of India) wow chimkhia ya ini i kaam.

Ha ini i yachem wa u DC da synraan lang da u Asst. Waheh Chnong ka Thangskai, u A. Dkhar wa u President ka FKJGP-Khliehriat Circle, u M. Chyrmang.

Share this:
Previous

Da pynman ya ka Cycle Rally ha Jowai

Next

Pynkup burom ka Blood Bank Jowai ya kiwa e snam sñiawbha