Jowai: Ka dong Jalapang, Wahiajer, West Jaiñtia Hills da chim ko ka kabu wow pynkup burom ya ki waheh wasian ka dong heiwa da pynman leh ya i baam-doh snem thymme ynnin ka sngi.
Ha kani ka sngi waroh ki khon yong ka dong da wan chimbynta ki wei chwa wow sdang i baam-doh da yoh ya ki kyntien ngoohblai na u Tbn. D. Phawa.
Ki waheh wasian wa chah pynkup burom kynthup ki ya u Moly Jat, Diw Talang, Romiwell Ryngkhlem, Nas Shylla wa Sli Shylla.
Ya kini da pynkup burom da u Kwelson War wa man leh u Chairman ka dong Jalapang, heiwa da yoh ya ki kyntien pdiang burom na u Andrew Sari wa man u Secretary ka dong.
Kini ki waheh wa chah pynkup burom toh kiwa jooh kreh chitom neibynta ka dong heipor wa dang biang i rta yong ki.
Discussion about this post