Chah slaitbor kawi ka khynnah ha ki 7 ngut ha West Jaiñtia Hills

Jowai: Katkam ka yutip na ki pulit da ong wa ynnin i janmiet ka 2 tarik u I/C ka Eight Mile Traffic Cell da yoh u ya ka ujor wa kawi ka khynnah wa dang 16 snem i rta da chah slaitbor ko ha ki 7 ngut kiwa pyn na ka chnong yong ka hi.

Da ong wa kani ka khynnah da chah slaitbor ko ha i miet ka 1 tarik hadien wa wan baam-doh snem thymme ko ha chnong heiwa heipor wa lai ekhublei ko ya ki lok chirup wa ka lok ko, kini ki 7 ngut da phah liwan ki ya ka lok ko wei da khut ki ka cha iwi i thaw wa langam heiwa da leh ki yeini i kaam.

Mar ya yoh ya kani ka ujor da yah ya kani ka khynnah cha Ialong Civil Hospital da ki pulit chirup wa kiwa hayung yong ka.

Neiliang ki pulit da booh ki 5 tylli ki Police Team hapoh i yahkhmat u D. Moksha, MPS, Dy.SP (Traffic) wow kem ya kini ki 7 ngut heiwa 2 ngut na ki toh kiwa dang khynnah (Minor).

Ya ki 4 ngut da kem wa kynthup ya u Ribah Phawa (31 snem), Libim Phawa (20 snem), Mehi Dkhar (22 snem) wa u Kermiki Shylla (18 snem) wa 2 ngut kiwa dang hapoh 18 snem i rta. Kattæ uwi won dang yut u na ki pulit.

Related posts

Kem ki pulit ya ar ngut chirup wa i heroin wa chongdor Rs. 60 lak

October 31, 2026

Chah tooh 6 tylli ki masi na Lumshyrmit | Paan yarap ki tre

October 16, 2026

I takit hajrong ini waroh da takit hapoh i pait ka C.W. Lyngdoh, MPS, Dy.SP (Crime).

Chooh chooh hajrong ini dang yakreh wow takit chirup wa ka Chairperson ka State Commission for Protection of Child Rights (SCPCR) Shillong, wa Chairperson ka Child Welfare Committee (CWC) Jowai wow yarap ya ka khynnah.